The Voice အမှုကို အောက်တိုဘာလ ၂၆ ရက်နေ့ကို ပြန်လည်ချိန်းဆို

ဒီကနေ့ မနက်က ရန်ကုန်မြို့၊ ဒဂုံမြို့နယ် တရားရုံးမှာ သတ္တုတွင်း ဝန်ကြီးဌာနနဲ့ The Voice ဂျာနယ်တို့ အကြားမှာ ဖြစ်ပွားနေတဲ့ အမှုကို  ဒဂုံမြို့နယ် တရားရုံးက စစ်ဆေးကြားနာဖို့အတွက် ရုံးချိန်း ဆင့်ခေါ်ခဲ့ရာမှာ အဆိုပါ အမှုကို ခရိုင်ရုံးမှ စစ်ဆေးဆဲ ဖြစ်နေတာကြောင့် ကြားနာစစ်ဆေးမှုများ မပြုလုပ်ခဲ့ဘဲ အောက်တိုဘာ ၂၆ ရက်နေ့မှာ ရုံးချိန်း ထပ်မံခေါ်ယူခဲ့တယ်လို့ ပြောပါတယ်။ အဆိုပါ အမှုအား ရုံးချိန်းများနဲ့ ပတ်သက်ပြီး The Voice Journal ကအယ်ဒီတာချုပ် ဦးကျော်မင်းဆွေက “ဒီရုံးချိန်းကိစ္စအတွက် လာလာနေရတာ ကျွန်တော့်အတွက် တော်တော်ကို နစ်နာတယ် ကျွန်တော်တို့က သတင်းလုပ်ငန်းတွေ လုပ်နေတော့ ပိုပြီး ဆိုးတာပေါ့ဗျာ၊ အချိန်လဲ ကုန်တယ်၊ အလုပ်လဲရှုပ်တယ်ဗျ တကယ်ဆိုရင် ကျွန်တော်က ဘယ်သူ့ကိုမှ နစ်နာစေလိုတဲ့ သဘောနဲ့ ရေးခဲ့တာလဲ မဟုတ်ဘူး အခုတော့ တစ်ဖက်က သူတို့အတွက် နစ်နာတယ်ဆိုပြီး တရားစွဲဆိုတော့ ဒါက ရှင်းရှင်းပြောရရင် တစ်ဖက်နဲ့တစ်ဖက် ပဋိပက္ခ သဘောဆောင်သွားပြီ ကျွန်တော် ဖြစ်စေချင်တာက တကယ် သူတို့ နစ်နာတယ်ဆိုရင်လဲ နှစ်ဦးနှစ်ဖက် တွေ့ဆုံပြီး သေသေချာချာ ညှိနှိုင်းပြီး လုပ်ရင် ဒီကိစ္စက ပြီးသွားနိုင်ပါတယ် အခုတော့ သူတို့ရော ကျွန်တော်ရော အလုပ်တွေပျက် အချိန်တွေကုန် ဖြစ်နေတာပေါ့” လို့ ပြောဆိုခဲ့ပါတယ်။ အဲဒီလိုဘဲ The Voice အကျိုးဆောင် ရှေ့နေတစ်ဦးဖြစ်တဲ့ ဦးဝင်းရွှေကလည်း “ဒီအမှုကို ခရိုင်ရုံးက လက်ခံစစ်ဆေးမှာ ဖြစ်တဲ့အတွက် မြို့နယ်ရုံးမှာရှိတဲ့ သူနဲ့ သက်ဆိုင်တဲ့ အမှုတွဲကို ခရိုင်ကို လွှဲထားတာကြောင့် မြို့နယ်တရားရုံးက ကြားနာ စစ်ဆေးမှု မလုပ်ဘဲ ရုံးချိန်းပဲ ပေးတာပါ။ အမှုကြားနာ စစ်ဆေးမှု မပြုပေမယ့် တရားလိုရော တရားပြိုင်ရောက ရုံးချိန်းလာကြရမှာပါ။ ဒါက တရားရုံး လုပ်ထုံးလုပ်နည်းတွေကြောင့်ပါ။ ခရိုင်ရုံးက ဒီအမှု အမိန့်မချမချင်း မြို့နယ်ရုံးက စစ်မှာ မဟုတ်ဘဲ ရုံးချိန်းပဲ ပေးနေမှာ ဖြစ်တယ်” လို့ ပြောပြခဲ့ပါတယ်။ ဒါကြောင့်မို့ အဆိုပါ အမှုကို စစ်ဆေးနိုင်ရန်အတွက် လာမည့် အောက်တိုဘာလ ၂၆ ရက်နေ့မှာ အနောက်ပိုင်းခရိုင် တရားရုံးတွင် အဆိုပါအမှုနဲ့ ပတ်သက်ပြီး နှစ်ဖက်စလုံးက လျောက်လဲချက် ပေးကြမည်ဖြစ်ပြီး ဒဂုံမြို့နယ် တရားရုံးကလည်း အဆိုပါ အောက်တိုဘာလ ၂၆ ရက်နေ့မှာ ရုံးချိန်း ခေါ်ယူထားတယ်လို့ သိရပါတယ်။

အပြည့်အစုံသို့ »

Posted in: ပြည်တွင်းနိုင်ငံရေးသတင်း

နိုင်ငံပိုင် ရုပ်ရှင်ရုံများကို ထပ်မံရောင်းချခြင်း မပြုလုပ်တော့ဟုဆို

မြန်မာနိုင်ငံမှာ ရုပ်ရှင်ရုံများ နည်းပါးလာတဲ့ ပြဿနာကို ဖြေရှင်းနိုင်ဖို့အတွက် နိုင်ငံတော်ပိုင် ရုပ်ရှင်ရုံတွေကို ပုဂ္ဂလိက လုပ်ငန်းရှင်များကို လွှဲပြောင်းရောင်းချခြင်းတွေ ထပ်မံ မပြုလုပ် ကြဖို့  ပြန်ကြားရေး ဝန်ကြီးဌာနမှ အကြောင်းကြားလာကြောင်း၊ ယခုလို ရုပ်ရှင်ရုံနည်းပါး မှု ပြဿနာကို ဖြေရှင်းနိုင်ဖို့အတွက် ရုပ်ရှင်ရုံသစ်များ ထပ်မံ ထွက်ပေါ်လာစေရန် ရုပ်ရှင်အစည်းအရုံးကနေ တင်ပြတောင်းဆိုခဲ့ရာမှာ ယခုလို အကြောင်းပြန်ကြားလာခြင်း ဖြစ်ကြောင်း၊ “ရုပ်ရှင်ရုံတွေကို ထပ်မံလွှဲပြောင်း ရောင်းချခြင်း မပြုတော့ဘူးလို့ တရားဝင် အသိပေး အကြောင်းကြားလာပါတယ်။ ဒီဝမ်းသာစရာ သတင်းကို ရုပ်ရှင်လောကသား အားလုံး သိနိုင်ဖို့ သတင်းစကား ပါးချင် တာပါ။ နောက်တစ်ဆင့်ဖြစ်တဲ့ ရုပ်ရှင်ရုံအသစ်တွေ ထပ်မံထွက်ပေါ်လာဖို့ ဆိုတာကတော့ နိုင်ငံတော် အဆင့် ပေါ်ထွက်လာရမယ့် အဆင့်ပါ။ အဲဒါကိုလည်း အဆင့်ဆင့် တင်ပြထားပါတယ်” လို့ ရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ပြောပါတယ်။ မြန်မာတစ်နိုင်ငံလုံးမှာ နိုင်ငံပိုင်၊ ပုဂ္ဂလိကပိုင်နဲ့ နှစ်ရှည်ငှား ရုပ်ရှင်ရုံ ၁၁၆ ရုံ ရှိတယ်လို့ မြန်မာ့ရုပ်ရှင်လုပ်ငန်းမှာ ကောက်ယူထားတဲ့ စာရင်းများအရ သိရှိရပြီး၊ အဆိုပါ ရုပ်ရှင်ရုံများဟာ နိုင်ငံတော်ပိုင် ရုပ်ရှင်ရုံများကို ရုပ်ရှင်ရုံလုပ်ငန်း လုပ်ကိုင်ရန် အပြီး လွှဲပြောင်း ရောင်းချထားတဲ့ ရုပ်ရှင်ရုံ ၄၉ ရုံ၊ ပုဂ္ဂလိကပိုင် ရုပ်ရှင်ရုံ ၃၉ ရုံ၊ နိုင်ငံတော်က နှစ်ရှည်ငှားရမ်းထားတဲ့ ရုပ်ရှင်ရုံ ၂၈ ရုံ ရှိတယ်လို့ သိရပါတယ်။

အပြည့်အစုံသို့ »

Posted in: ပြည်တွင်းစီးပွါးရေးသတင်း

လက်ဘနွန် ထောက်လှမ်းရေးအကြီးအကဲ လုပ်ကြံသတ်ဖြတ်ခံရ

ထင်ရှားလူသိများတဲ့ လက်ဘနွန် ထောက်လှမ်းရေး အကြီးအကဲတစ်ဦးဟာ  မြို့တော် ဘေရွတ်က ကားဗုံးပေါက်ကွဲမှု ဖြစ်စဉ်အတွင်း သေဆုံးသွားတဲ့အပြင် အခြား အနည်းဆုံးလူ ၈ ဦးလောက်ပါ သေဆုံးသွားပြီး လူပေါင်း ၉၀ ကျော်လောက် ဒဏ်ရာ ရသွားခဲ့ကြောင်း အယ်ဂျာဇီးယား သတင်းမှာ ဖေါ်ပြထားပါတယ်။ လက်ဘနွန် ပြည်တွင်းလုံခြုံရေးရာ တပ်ဖွဲ့ (ISF) မှ ထောက်လှမ်းရေး အကြီးအကဲ ဝစ်ဆမ်အယ်ဟက်ဆန် သေဆုံးမှုနောက်ကွယ်မှာ ပါဝင်ပတ်သက်မှုရှိတယ်လို့ ယူဆခံရတဲ့ ဆီးရီးယားသမ္မတ ဘာရှာအယ်အာဆတ်နဲ့ ရင်းနှီးတဲ့သူတစ်ဦးဖြစ်ပြီး လက်ဘနွန်နိုင်ငံထဲကို ပေါက်ကွဲစေတဲ့ လက်နက်ပစ္စည်းများ မှောင်ခိုတင်သွင်းရာမှာ ကူညီပေးသူတစ်ဦးအဖြစ် စွပ်စွဲခံနေရတဲ့ မိုက်ကယ်ဆာမာဟာ ဆိုသူကို ဖမ်းဆီးဖို့ ဦးတည်နေပြီဖြစ်ကြောင်း သတင်းများမှာ ဖေါ်ပြထားပါတယ်။ လက်ဘနွန် ပြည်တွင်းလုံခြုံရေးရာ တပ်ဖွဲ့ (ISF) ဟာ ဆီးရီးယား အစိုးရ ပါဝင်ပတ်သက်ခဲ့တယ်လို့ ယူဆနေကြတဲ့ လက်ဘနွန်ဝန်ကြီးချုပ် ရာဖစ်အယ်ဟာရီရီ လုပ်ကြံသတ်ဖြတ်ခံရမှုမှာ ပါဝင်ပတ်သက်နေသူများကို စုံစမ်းဖေါ်ထုတ်ရာတွင် နက်နက်ရှိုင်းရှိုင်း ပါဝင်လုပ်ဆောင်ပေးခဲ့တဲ့ အဖွဲ့ ဖြစ်တယ်လို့ ဆိုပါတယ်။ ယခုလုပ်ကြံသတ်ဖြတ်ခံရတဲ့ လက်ဘနွန် ထောက်လှမ်းရေး အကြီးအကဲ ဝစ်ဆမ်အယ်ဟက်ဆန်ဟာ လုပ်ကြံသတ်ဖြတ်ခံခဲ့ရတဲ့ လက်ဘနွန် ဝန်ကြီးချုပ်ရဲ့ သား တစ်ဦးဖြစ်ပြီး လက်ဘနွန် အတိုက်အခံခေါင်းဆောင် တစ်ဦးလည်းဖြစ်တဲ့ ဆာယာ့ဒ် အယ်ဟာရီရီနဲ့ ရင်းနှီးသူ တစ်ဦး ဖြစ်တယ်လို့လည်း ဖေါ်ပြထားပါတယ်။

အပြည့်အစုံသို့ »

Posted in: ပြည်ပထူးခြားသတင်း

ဓာတ်ခွဲခန်းသုံးပစ္စည်းများ JICA ထောက်ပံ့ပေးအပ်

ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) က မြန်မာနိုင်ငံ၏ ငှက်ဖျားနှင့် တီဘီရောဂါ တိုက်ဖျက်ရေး လုပ်ငန်း များတွင် အသုံးပြုရန် ဒေါ်လာ တစ်သိန်းခန့် တန်ဖိုးရှိသော ဓါတ်ခွဲခန်း သုံး ပစ္စည်းသုံးမျိုးကို ထောက်ပံ့ ခဲ့ကြောင်း ဆေးသုတေသန ဦးစီးဌာန (အောက်မြန်မာပြည်)မှ ခေတ္တ ညွှန်ကြားရေးမှူး ချုပ် ဒေါက်တာမျိုးခင် က ပြောကြားသည်။ ယင်း ဓာတ်ခွဲခန်းသုံး ပစ္စည်း များကို ဆေးသုတေသန ဦးစီးဌာန ၊ ကျန်းမာရေးဦးစီးဌာန ရောဂါနှိမ်နှင်းရေး စီမံချက် ၊ ဆေးသိပ္ပံပညာ ဦးစီးဌာန ဘွဲ့လွန်နှင့် ပါရဂူ သင်တန်းများအတွက် အသုံးပြုရန် ပံ့ပိုးပေးခဲ့ကြောင်း အောက် တိုဘာလ ၊ ၃ ရက်နေ့က ကျင်းပသော ဓာတ်ခွဲခန်းသုံးပစ္စည်းများလွှဲပြောင်း လက်ခံခြင်း အခမ်းအနား တွင် JICA (မြန်မာ) ရုံး၏ ဌာနေကိုယ်စားလှယ် Mr.Masahiko Tanaka က ပြောကြားသည်။ ၂၀၁၁ ခုနှစ်က မြန်မာနိုင်ငံတွင် ဌက်ဖျားရောဂါ ခံစားရသူ ဦးရေ လေးသိန်း နှစ်သောင်း တစ်ထောင် ရှိသည့်အနက် ငါးရာ့ ခြောက်ဆယ် လေးဦး သေဆုံးခဲ့ပြီး ၊ ယခုအချိန်ထိ ဌက်ဖျားရောဂါ သည် ဖြစ်ပွားမှု အများဆုံး ရောဂါတစ်ခု အဖြစ် ကျန်ရှိသေးနေကြောင်း ကျန်းမာရေး ဝန်ကြီးဌာန၏ တရားဝင် ထုတ်ပြန်ချက်အရ သိရသည်။

အပြည့်အစုံသို့ »

Posted in: ကျန်းမာရေးသတင်း

ချစ်ခြင်းမေတ္တာ၊ ငြိမ်းချမ်းမှုကို ပေးတယ်ဆိုတဲ့  ဆရာမဂျင်းနီ ယောဂသင်တန်းအကြောင်း

မြန်မာနိုင်ငံမှာ ယောဂကျင့်လိုသူများ အတွက် တရုတ်နိုင်ငံက ဆရာမဂျင်းနီ က ယောဂသင်တန်းကို လာရောက် ဖွင့်လှစ် သင်ကြားပေးနေပါတယ်။ ယောဂ ကို တက္ကသိုလ်ကျောင်း သူဘဝက တည်းက လေ့ကျင့်ခဲ့တာဖြစ်ပြီး အခု ဆိုရင် ၇နှစ်ရှိပြီ ဖြစ်ကြောင်းသိရပါ တယ်။ ယောဂဆိုတဲ့ အဓိပ္ပာယ်နဲ့ ယောဂရဲ့ အကျိုးကျေးဇူးတွေ ကိုတာ့ ဆရာမဂျင်းနီက ”ယောဂရဲ့အစက ရှေး အိန္ဒိယကပါ။ ကိုယ်၊ စိတ်၊ နာမ် အတူကျင့် ကြံတဲ့ လေ့ကျင့် စဉ်တစ်ရပ် လည်းဖြစ်ပါတယ်။ သူကနေပြီး ရုပ်နဲ့ စိတ်ကို ပေါင်းစည်းစေတယ်။ လတ်တလောအတွင်းမှာ အာရုံပျံ့လွင့်မှု မရှိ စေဘဲ မိမိအတ္တ ကိုကျော်လွှားနိုင်တယ်။ သူကနေ ကျန်းမာလှပမှု၊ ချစ်ခြင်းမေတ္တာ၊ ငြိမ်းချမ်း မှုကို ပေးစွမ်းတယ်။ သဘာဝတရားနဲ့ ကျန်းမာစေတဲ့နည်းလမ်း လည်းဖြစ်တယ်။

ယောဂ ကျင့်ခြင်း ရဲ့အကျိုးအာနိသင်ကတော့ ...

(၁)ယောဂ ဟာ ခန္ဓာကိုယ်ကို ကျင့်ကြံပြီး စိတ်ထား မွေးမြူစေတဲ့ နည်းဖြစ်တယ်။ မိမိရဲ့ ခန္ဓာကိုယ် ကိုညီမျှအောင် အကောင်းဆုံး ထိန်းညှိပေး နိုင်တယ်။

(၂)ယောဂဟာ ကိုယ်စိတ်နှစ်ပါး ကို ပြုစုစောင့် ရှောက် တယ်၊ ဖိအားနဲ့ အိပ်ရေးပျက် မှုကို ပြေပျောက်စေတယ်။ စိတ်ကို ကြည်နူးစေတယ်၊ စိတ်ကို အေးချမ်း တည်ငြိမ်စေတယ်။

(၃)စည်းစနစ်တကျလေ့ကျင့်ရင် ကိုယ်အလေး ချိန် ထိန်းချုပ်နိုင်တယ်၊ ခန္ဓာကိုယ်ပုံစံ လှပစေ တယ်။

(၄)ရေရှည် လေ့ကျင့်ရင် စိတ်ဓာတ် ကို မြှင့်တင်ပေး တယ်။ကိုယ်စိတ် နှစ်ပါးပေါင်း စပ်ပေးတယ်။ အသွင်အပြင် ဆန်းသစ်စေတယ်။

(၅)ယောဂကို လေ့ကျင့်ရတဲ့ ရလဒ် ကို ကျေးဇူးတင်ပြီး တန်ဖိုးထားတတ်မယ်။ အေးချမ်း တည်ငြိမ်စွာနဲ့ ပြော ဆိုတတ်မယ်။ မိမိရဲ့စောင့်စည်းမှု သီလ အပေါ် ခိုင်မာစွာ ရပ်တည်နိုင် မယ်။ မိမိကိုယ်ကိုကျိုးနွံ၊ စာရိတ္တကောင်း မွန်မယ်” လို့ ရှင်းပြခဲ့ပါတယ်။

ယောဂကို ကျင့်ကြံချင်တဲ့ သူတွေက ယောဂမကျင့် ခင်မှာ ယောဂရဲ့ အဓိကအချက် အလက်ကို အရင် လေ့လာရမှာဖြစ်ကြောင်း၊ ယောဂ ကျင့်ဖူးတဲ့ သူတွေကို အကြံဥာဏ် တောင်းရမှာ ဖြစ် ကြောင်း၊ သင်တန်းသွားရောက်လေ့ ကျင့် သင်ယူပြီးမှ ကိုယ့်ဘာသာ ကိုယ် လေ့ကျင့်ရမှာ ဖြစ်ကြောင်း၊ ယောဂ ကိုလေ့ကျင့်ရင် အကျိုး အာနိသင် များစွာရရှိမှာဖြစ်ကြောင်း ဆရာမ ဂျင်းနီကပြောပါတယ်။ ယောဂကိုကျင့်တဲ့အခါ အသက်အရွယ် ကန့်သတ်မှု ရှိလား လို့မေး တော့ ဆရာမဂျင်းနီက “ကလေးတွေဆိုရင် ကန့်သတ်မှုရှိ တယ်။ ယောဂကို သာမန်လေ့ကျင့်မယ်ဆိုရင် အသက် ၆ နှစ်ကစပြီး လေ့ကျင့်လို့ ရတယ်။ ယောဂရဲ့ လှုပ်ရှားမှုတွေက အစပိုင်းဆိုရင် အချိန်ပိုင်း တစ်ခုလောက်တော့ နည်းနည်း ဇွဲရှိဖို့လိုတယ်။ တအားငယ်တဲ့ကလေးတွေ ဆိုရင် အရိုး၊ အဆစ်တွေထိသွားမှာကြောက်တယ်၊ စိုး ရိမ်တယ်။ အသက် ၆ နှစ်အထက် ကစပြီး လေ့ကျင့်လို့ရပါတယ်” လို့ ပြောပါတယ်။ ယောဂကို အမျိုးသားေ ရာ၊ အမျိုးသမီးပါ လေ့ကျင့်လို့ရပြီး အမျိုးသမီးတွေက ခန္ဓာ ကိုယ်လှပချင်တာရယ်၊ ကိုယ့်ရဲ့ နေ့စဉ် သွားလာ လှုပ်ရှားမှုထဲမှာ တစ်ခုအပါ အဝင်တွက် ချက်ထားကြပြီး ယောဂဆော့ရင် အကြောတွေ၊ ခန္ဓာ ကိုယ် တွေ ပျော့ပျောင်းသွားမှာဖြစ်တဲ့ အတွက် ယောဂကို အမျိုးသမီးတွေ က ပို နှစ်သက်ကြကြောင်း ဆရာမဂျင်းနီကပြောပါတယ်။ ဆရာမဂျင်းနီက ဗုဒ္ဓဘာသာ ကိုးကွယ် သူတစ်ဦးဖြစ်ပြီး မြန်မာနိုင်ငံကလည်း ဗုဒ္ဓ ဘာသာ ထွန်းကားတဲ့ နိုင်ငံဖြစ်တဲ့အတွက် မြန်မာနိုင်ငံကို လည်း နှစ်သက်ကြောင်း ၊ မြန်မာ နိုင်ငံကိုရောက်တာ ၆ လရှိနေပြီဖြစ်ကြောင်း၊ ဒီနိုင်ငံမှာ ယောဂ ကိုလေ့ကျင့်တာ သိပ်ထိထိ ရောက်ရောက်မရှိသေး တဲ့အတွက် သင်တန်း ဖွင့်လှစ်သင် ကြားပေးတာဖြစ်ကြောင်း ပြောပါ တယ်။ ယောဂ သင်တန်း ချိန်က မနက် ၇ နာရီမှ ၈ နာရီ၊ ညနေ ၆ နာရီမှ ၇ နာရီထိ အမှတ်-၂၃၇၊ ၃- အေ၊ အနော်ရထာလမ်း၊ (ရွှေပုဇွန်ရှေ့)၊ လမ်းမတော်မြို့နယ်၊ ရန်ကုန် မြို့မှာ သင်တန်း ဖွင့်လှစ်ထားတာဖြစ်ပါ တယ်။ ယောဂကို လေ့ကျင့် တဲ့နိုင်ငံ တွေထဲမှာ တော့ မြန်မာနိုင်ငံက အနည်းဆုံးနိုင်ငံပဲဖြစ် ကြောင်း၊ သြစတြေးလျ၊ စင်ကာပူ၊ တရုတ် နိုင်ငံတွေက ယောဂကျင့်တာ အများဆုံး နိုင်ငံတွေ ဖြစ်ကြောင်း ပြောပါတယ်။ 

အပြည့်အစုံသို့ »

Posted in: ကျန်းမာရေးသတင်း

ညအိပ်ပျော်နေစဉ် အသားအရေ ပြုပြင်နိုင်ရန်

လက်နဲ့ ခြေထောက် မှာနူးညံ့ ချောမွေ့တဲ့ အသား အရေ ရရှိ စေဖို့ လက်နဲ့ ခြေထောက် မှာ အစိုဓာတ် ထိန်းနိုင်တဲ့ ခရင်မ် လိမ်းပြီး ပါးလွှာတဲ့ပိုးသားခြေအိတ်၊ လက်အိတ်စွပ်ကာ အိပ်စက်ပါ။ အခန်းတွင်း ရှိ လေထုစိုစွတ်နေစေဖို့အတွက် အေးမြတဲ့ရာသီ မှာ ညစဉ် အိပ်စက်တိုင်း အိပ်ခန်းထဲမှာ လေထုစိုထိုင်းစက် (Humidifier)ကို တပ်ဆင် ထားပါ။ လေထုစိုထိုင်းဆဟာ လေကို စိုစွတ်နေအောင် လုပ်ဆောင်ပေး တာကြောင့် အရေပြား ခြောက် သွေ့ယားယံမှုကို သက်သာစေရုံ သာမက စိုစွတ်နေတဲ့ လေကို လည်း အလွယ်တကူ ရှူရှိုက် လွယ်စေနိုင် ပါတယ်။ အိပ်ခန်းထဲမှာ အိပ်ခန်းကို မှောင်သွားစေမယ့် လိုက်ကာချ ထား ပါ။ ညအိပ်ချိန်မှာ လိုက်ကာချထားပေးရင် ပြင်ပ ညအလင်း ရောင်ကြောင့် အိပ်မပျော် တာမျိုး မဖြစ်အောင် ကာကွယ်ပေးနိုင် ပါတယ်။ အိပ်ရေးဝ၀ အိပ်စက် အနားယူတာက အသားအရေ ကျန်းမာ ရေးအတွက် အရေးပါ ပါတယ်။ အကြောင်းကတော့ အရေပြားဆဲလ် တွေ ပြန် လည်ပြုပြင်မှုနဲ့ အသစ်ဖြစ်ပေါ် မှုဟာ အိပ်ပျော်နေချိန်မှာ ဖြစ်နေလို့ပါ။ အိပ်ချိန် အလုံအလောက် မရရှိရင် အရေပြားဟာ အသစ်ပြန် လည် ဖြစ်နိုင်ခြေ နည်းပါတယ်။

အပြည့်အစုံသို့ »

Posted in: ကျန်းမာရေးသတင်း

အချဉ်ရည်များ ဓာတ်ခွဲစစ်ရာတွင် ဆာလဖျူရစ်အက်စစ်ပြင်းတွေ့

ဈေးကွက်အတွင်း ရောင်းချနေသည့် အချဉ်ရည် များတွင် စားသုံးသူများအတွက် အန္တရာယ်ရှိသည့် တားမြစ် ဆိုးဆေးများ၊ တာရှည်ခံရန် အသုံးပြုထားသည့် ဓာတု ပစ္စည်းများ၊ စားသုံးရန်မသင့်သည့် ဆာလဖျူရစ် အက်ဆစ်ပြင်းများ ထည့် သွင်း အသုံးပြုထား သည်ကို ဓာတ်ခွဲ တွေ့ရှိရကြောင်း စားသုံးသူ ကာကွယ်ရေး အသင်း မှ သတင်းရရှိသည်။ UMFCCI ရှိ ကုန်ထုတ်လုပ်သူများ အစား အသောက် ဖွံ့ဖြိုး တိုး တက်ရေး ဓာတ်ခွဲခန်းတွင် စစ်ဆေးထားခြင်းဖြစ်ပြီး အချဉ်ရည်ထုပ်များတွင် ထုတ်လုပ်သည့် ရက်စွဲ၊ ကုန်ဆုံးသည့် ရက်စွဲ၊ ကုန်ပစ္စည်း အတွင်း ပါဝင်သည့် ပစ္စည်းများ အချိုးအဆများ၊ FDA ၏ ခွင့်ပြုချက် စသည့်ဖော်ပြချက်မှစ၍ နေရပ် လိပ်စာများပင် မပါရှိကြောင်း စားသုံးသူ ကာကွယ်ရေး အသင်းဥက္ကဋ္ဌ ဦးဗအုပ်ခိုင် ကပြောသည်။ "လိပ်စာတောင် မပါဘူးဆိုတော့ ဘယ်လိုမှကို ယုံကြည်လို့မရနိုင်တော့ဘူးလေ" ဟု ဦးဗအုပ်ခိုင်က ဆက်လက်ပြောသည်။ အစိုးရမဟုတ်သည့် အဖွဲ့အစည်း ဖြစ်သည့်အတွက် ဌာနဆိုင်ရာကို တင်ပြခြင်းမျိုး ဆောင်ရွက်ရမည် မဟုတ်သော် လည်း သက်ဆိုင်ရာ တာဝန်ရှိသူများမှ ဝင်ရောက် စစ်ဆေး အရေးယူခြင်း များ အပြင် ရောင်းချသူ စားသုံးသူတွေကလည်း မည်သည့်ကုန်ပစ္စည်းများ ပါဝင်နေ မှန်း မသိသည့် စားသောက်ကုန်များ အား ရှောင်ကြဉ် သင့်ကြောင်း ဦးဗအုပ်ခိုင် ကပြောသည်။ "အမှန်ကအဲ့လို စစ်ဆေးတွေ့ရှိတယ်ဆိုရင FDA ကိုပို့ပေးရမယ။် ဒါတွေက စားသုံးရန် မသင့်တဲ့ပစ္စည်းတွေ ပါနေတယ်ဆိုရင် ဝန်ကြီးဌာနကို အကြောင်းကြားပြီး စားသုံးရန် မသင့်ဘူးဆိုပြီး တရားဝင် ကြေညာအရေးယူ တာတွေလုပ်မှ လူတွေအားလုံးသိမှာဟု" အစားအသောက်နှင့်ဆေးဝါးကွပ်ကဲမှုဦးစီးဌာန ညွှန်ကြားရေးမှူး ဒေါက်တာဇော်ဝင်းကပြောသည်။ အချဉ်ဓာတ်ရရှိရန်အတွက် ထည့်သွင်းအသုံးပြုသည့် ရှာလကာရည်အစား အက်ဆစ်ပြင်းများအားး ထည့်သွင်းသုံးစွဲထားခြင်းနှင့် တားမြစ်ဆိုးဆေးများကြောင့် စားသုံးသူများတွင် ၀မ်းကိုက်၊ ဝမ်းပျက၊် ဝမ်းလျှောရောဂါ ၊အစာအိမ်ရောင်ရမ်းခြင်း၊ အူရောင်ခြင်း၊ အသည်းရောင်ရမ်းခြင်း ဝေဒနာများအပြင် ရေရှည်တွင် အစာအိမ်ကင်ဆာ၊ အူမကြီးကင်ဆာ၊၊ အသည်းကင်ဆာများအထိ ဖြစ်ပွားလာနိုင်ကြောင်း သိရသည်။ အချဉ်ရည်သည် လူထုအတွင်း အမျိုးမျိုးအသုံးများ သည့် ကုန်ပစ္စည်းဖြစ်သည့်အပြင် ဈေးကွက် အတွင်းတွင် ဖော်ပြချက်မပါဘဲ ရောင်းချနေသည့် ပစ္စည်းဖြစ်သည့်အတွက် စားသုံးသူ ကာကွယ်ရေးအသင်းမှ ပထမဆုံးအကြိမ် ဓာတ်ခွဲစမ်းသပ်သည့် ကုန်ပစ္စည်းဖြစ်ပြီး မကြာခင်ရက်ပိုင်းအတွင်း သဘာဝအတိုင်းမဟုတ်ဘဲ ဈေးကွက်အတွင်း အရောင်ချွတ်ဆေးများ အသုံးပြု၍ ဖြူဖွေးအောင် ပြုလုပ်ထားသည့် အိမ်သုံးဆားများကိုလည်း အန္တရာယ် ရှိ၊မရှိစစ်ဆေးမည်ဖြစ်ကြောင်း သိရသည်။ 

အပြည့်အစုံသို့ »

Posted in: ကျန်းမာရေးသတင်း

ကြက်သွန်ဖြူများများစားပါ

လွန်ခဲ့တဲ့ နှစ်ပေါင်း ၆၀၀၀ ကျော်က အာရှတိုက်အလယ်ပိုင်း မှာပဲ ပေါက်ရောက်ခဲ့တဲ့ ကြက်သွန်ဖြူဟာ အခုဆိုရင်တော့ ကမ္ဘာ့ အသုံးတွင်ကျယ်ဆုံး ဟင်းခတ် အမွှွှေးအကြိုင်များထဲက တစ်ခုဖြစ်နေပါပြီ။ ကြက်သွန်ဖြူကို မီးဖိုချောင်သုံး အနေနဲ့ သာမက ဆေးဖက်ဝင် အပင်အနေနဲ့ အီဂျစ်လူမျိုးများက စတင်သုံးစွဲ ခဲ့တယ်လို့ သမိုင်း မှတ်တမ်းများအရ သိရပါတယ်။ ကြက်သွန်ဖြူဟာ ဆေးဖက် အလွန်ဝင်ကြောင်း ရှေးဟောင်း မြန်မာ့ တိုင်းရင်းဆေးကျမ်း များမှာလည်း ပါရှိပါတယ်။ ၎င်းကို သိပ္ပံနည်းကျ လက်တွေ့ဓာတ်ခွဲပြီး သုတေသနများစွာ လုပ်ကြည့်တဲ့အခါမှာ အာနိသင်များစွာ ရှိကြောင်း တွေ့ရပါတယ်။

အပြည့်အစုံသို့ »

Posted in: ကျန်းမာရေးသတင်း

ဆေးလိပ်သောက်ခြင်း အန္တရယ်

လက်ဖက်ရည်ကြမ်းက ဆေးလိပ်သောက်လို့ ဖြစ်တဲ့ကင်ဆာပေါ် သက်ရောက်မှု (ပြုပြင်မှု) ရှိနိုင်တာကို တိုင်ဝမ် ကျွန်းဆေးရုံ တစ်ရုံက အမေရိကန် ပြည်ထောင်စု၊ ကင်ဆာ သုတေသန အသင်းရဲ့ ယခုနှစ်စာတမ်းဖတ်ပွဲမှာ တင်ပြထားပါတယ်။ တိုင်ဝမ်းဆေး တက္ကသိုလ်က ဒေါက်တာလင်က “ အဆုတ် ကင်ဆာဆိုတာ တရုတ်(တိုင်ပေ) မှာ သေနှုန်းများ တဲ့ ရောဂါဖြစ်ပါတယ်၊ လက်ဖက်ရည်ကြမ်းက စိတ်ဝင်စားဖို့ ကောင်းတယ်၊ သူမှာပေါ် လီဖီနာလို့ခေါ် တဲ့ အင်တီအောက်စီဒင့်ပါတယ်၊ သူက အလုံး၊ အကြိတ်ဖြစ်တာကို တားတယ် ” လို့ ဆိုပါတယ်။ ဒေါက်တာလင်နဲ့ သူ့အဖော်တစ်စုက အဆုတ်ကင်ဆာဖြစ်ပြီး လူနာ ၁၇၀ နဲ့ ပကတိ ကျန်းမာသူ ၃၄၀ ကို မေးခွန်းတွေမေးပြီး သုတေသနပြုပါတယ်။ သူတို့ရဲ့ နေထိုင်ရာဒေသ၊ စီးကရက်သောက်သုံးမှု၊ လက်ဖက်ရည်ကြမ်းသောက်သုံးမှု၊ နေ့စဉ်စားသုံးမှု (အသီးအ နှံ၊ ဟင်းသီးဟင်းရွက်)၊ ချက်ပြုတ်ပုံ၊ မိသားစုမှာ ကင်ဆာမျိုးရိုး ရှိမရှိ တို့နဲ့ဆက်စပ်ပြီး စူးစမ်းပါတယ်။ သုတေသနပြုခံရသူ အုပ်စုထဲပါ၊ ဆေးလိပ်သောက်သူရော၊ မသောက်သူရော တစ်နေ့ လက်ဖက် ရည်ကြမ်း တစ်ခွက်ကလေးတောင် မသောက်ဘူးဆိုရင် ကင်ဆာဖြစ်ဖို့ (ရဖို့) ၅.၁၆ ဆဖြစ်နိုင်ခြေရှိကြောင်း သိရပါတယ်။

အပြည့်အစုံသို့ »

Posted in: ကျန်းမာရေးသတင်း

တေးစီးရီးသစ် မိတ်ဆက်

အညတရ သူရဲကောင်း တေးစီးရီး မိတ်ဆက်ပွဲကို အောက်တိုဘာ ၁၆ ရက် နံနက် ၁ဝ နာရီက ရန်ကုန်မြို့ ဗိုလ်ချုပ် အောင်ဆန်းလမ်းရှိ စင်ထရယ် ဟိုတယ်၌ ကျင်းပခဲ့သည်။ ရှေးဦးစွာ အညတရ တေးစီး ရီး ဖြစ်မြောက်ရေး အတွက် တေးရေး၊ တေးဆို၊ တီးခတ်၊ စီစဉ် ဖန်တီးသူ ဆောင်းဦးလှိုင်က အညတရ သူရဲကောင်း တေးစီးရီးနှင့် ပတ်သက်၍ ရှင်းလင်း ပြောကြားပြီး အလင်းတန်း ဂျာနယ်မှ ဦးဝင်းငြိမ်းနှင့် လျှပ်တစ်ပြက် ဂျာနယ်မှ ဦးမြတ်ခိုင် တို့က အမှာစကား ပြောကြား ခဲ့သည်။ အညတရ သူရဲကောင်း တေးစီးရီးကို နိုဝင်ဘာ လဆန်းတွင် ချိုကြည်သာ တေးသံသွင်းမှ AUDIO CD အဖြစ် ဖြန့်ဝေ သွားမည် ဖြစ်သည်။ အမျိုးသမီး အဆိုရှင် ငါးဦး ဖြစ်သည့် ခိုင်ဇာသွေး၊ မီးနို၊ သီရိစံ၊ ပိုပိုနှင့် Orchid တို့ကို ပွဲထုတ်ထားပြီး ဆောင်းဦးလှိုင် ကိုယ်တိုင်လည်း ပါဝင် သီဆိုထားပြီး ကိုယ်ပိုင် သံစဉ်   သီချင်း သစ်များ ဖြစ်ကြောင်း သိရသည်။ အညတရ သူရဲကောင်း အခွေသည် ပရဟိတ လူမှုရေး အခွေဟု ဆိုသော်လည်း ပရိသတ် ကြိုက်နှစ်သက်မည့် အချစ် သီချင်းများ အပါအဝင် စုစုပေါင်း သီချင်း (၁၁) ပုဒ် ထည့်သွင်း ထားသည်။ ''ကျွန်တော်တို့ တိုင်းပြည်ရဲ့ နယ်ပယ် အသီးသီးမှာ ပြည်သူလူထု အကျိုးအတွက် ဆောင်ရွက်ပေး ခဲ့တဲ့ ပုဂ္ဂိုလ်တွေ အများအပြား ရှိပါတယ်။ အဲဒီ အထဲမှာ အချို့က ကျော်ကြားပြီး အချို့က မကျော်ကြား ကြဘူး။ အဲဒီလို ရုပ်ပိုင်းနှင့် စိတ်ပိုင်း ဆိုင်ရာ အားပေးမှု နည်းနေတဲ့ ပုဂ္ဂိုလ်များကို ဂုဏ်ပြုတဲ့ အနေနဲ့ အညတရ သူရဲကောင်းလို့ အမည်ပေး ထားတာပါ'' ဟု အဆိုတော် ဆောင်းဦးလှိုင်က တေး စီးရီးနှင့် ပတ်သက်၍ ရှင်းလင်း ပြောကြား ခဲ့ကြောင်း သတင်း ရရှိသည်။

အပြည့်အစုံသို့ »

Posted in: ပြည်တွင်းအနုပညာသတင်း

တတိယအကြိမ် ပြန်လည်က်တွဲခဲ့သည့် ဂျွန်မေယာနှင့် ကေတီပယ်ရီ

နှစ်ကြိမ် တိုင်တိုင် လမ်းခွဲခဲ့သည့် ရော့ခ် အဆိုတော် ဂျွန်မေယာနှင့် ပေါ့ပ်ဘုရင်မ ကေတီ ပယ်ရီတို့သည် တတိယ အကြိမ်မြောက် ပြန် လည် လက်တွဲ နေပြီဖြစ်ကြောင်း သိရသည်။ ဂျွန်မေယာနှင့် ကေတီ ပယ်ရီတို့ နှစ်ဦးသည် အောက်တိုဘာ ၁၆ ရက် ညက နယူး ယောက်မြို့ တွင် ညစာအတူ စားခဲ့ကြ သည်ဟု သိရ သည်။ ၎င်းတို့ နှစ်ဦး၏ တွေ့ဆုံမှု၌ ဂျွန်မေယာသည် အဖြူရောင် ရှပ်အင်္ကျီ လက်ရှည်ကို ဂျင်းအနွေးထည် တစ်ထည်နှင့် ဝတ်ဆင် ထားပြီး အနက် ရောင် လည်စည်းကို စည်းထားခဲ့သည်။ ကေတီ ပယ်ရီကမူ လှပသော ပန်းပွင့်များ ပါရှိသည့် ဂါဝန်ကို မီးခိုးရောင် သိုးမွေး ဂျာကင်ဖြင့် တွဲဖက် ဝတ်ဆင်ထားပြီး လိမ္မော်ရောင် ဒေါက်မြင့် ဖိနပ်ကို လှပစွာ စီးထားခဲ့သည်။ ဂျွန်မေ ယာသည် ရပ်ဆဲလ် ဘရန်းနှင့် လမ်းခွဲ ပြီးနောက် ကေတီပယ်ရီ လက် တွဲ ခဲ့သည့် ပထမဆုံး ချစ်သူ ဖြစ်ကြောင်း သိရသည်။

အပြည့်အစုံသို့ »

Posted in: ပြည်ပအနုပညာသတင်း

ကြော်ငြာသစ်ရိုက်ကူးခဲ့သည့် ကင်ထယ်ဟီး

တောင်ကိုရီးယား နိုင်ငံ၏ အပြုံး အလှပိုင်ရှင် မင်းသမီးချော ကင်ထယ် ဟီးသည် သူမ၏ တူမများ နှင့် အတူ ကြော်ငြာသစ် ရိုက်ကူး ခဲ့ကြောင်း သိရသည်။ အဆိုပါ အိပ်ရာခင်း ကြော်ငြာတွင် ကင်နှင့်အတူ သူမ၏ တူမများက ချစ်စဖွယ် ကောင်းသော   ဟန်ပန်မူရာ များဖြင့် သရုပ်ဆောင် ခဲ့ သည်။ အိပ်ရာ ပေါ် တွင် ပျော်ရွှင်စွာ ကစားနေသော အဒေါ်နှင့် တူမများ၏ သရုပ်ဆောင် ကောင်းမှုက အိပ်ရာခင်း သစ်ကို ပိုမို အရောင်း သွက် စေမည်ဟု  ကြော်ငြာ ဒါရိုက်တာက ပြောကြား ခဲ့သည်။ ကြော်ငြာ ဓာတ်ပုံများကို ကင်ထယ်ဟီး၏ ဝက်ဘ်ဆိုက်တွင် ဖော်ပြခဲ့ရာ ကြည့်ရှုသူ ပရိသတ် များက ကင်၏ တူမများသည် ကင်၏ ခြေရာ ကို နင်းမည့် သရုပ်ဆောင် လေးများ ဖြစ်လာ နိုင်ကြောင်း မှတ်ချက် ပေးကြသည်ဟု သိရသည်။

အပြည့်အစုံသို့ »

Posted in: ပြည်ပအနုပညာသတင်း

ကင်ထယ်ဟီးနှင့် ချစ်ကြိုက်နေသည် ဆိုသည့်သတင်း ဟာဂျောင်ဝူး ငြင်းဆို

ဟားဗက်ချစ်သူ  ''တစ်ခါတုန်းက တက္ကသိုလ်'' ဇာတ်ကားမှ မင်းသမီးချော ကင်ထယ်ဟီးနှင့် မင်းသား ဟာဂျောင်ဝူးတို့ ချစ်ကြိုက် နေကြ ပြီဟု မကြာခင်က သတင်းများ ထွက်ပေါ် ခဲ့သည်။ သို့သော်   အဆိုပါ သတင်းသည် ဟုတ်မှန်ခြင်း မရှိကြောင်း ဟာဂျောင်ဝူးက ပြန်လည် ငြင်းဆို ထားသည်။ ကင်ထယ်ဟီးနှင့် မိမိတို့ နှစ်ဦးသည် ပြီးခဲ့သည့် နှစ်က နှစ်ကြိမ်သာ တွေ့ခဲ့ဖူးကြောင်း၊ အခမ်းအနား နှစ်ခုတွင် တွေ့ဆုံ ခဲ့ခြင်း ဖြစ်ပြီး မိမိတို့နှင့် အတူ ဂေါင်ယိုနှင့်ယိုဂျင်းတို့လည်း ပါဝင်ကြောင်း၊ မိမိတို့ တွေ့ဆုံခြင်းသည် မိတ်ဆွေ ကဲ့သို့ သာမန် တွေ့ဆုံမှုသာ ဖြစ်ကြောင်း ဟာဂျောင်ဝူးက ရှင်းလင်း ပြောကြား ထားသည်ဟု သိရသည်။

အပြည့်အစုံသို့ »

Posted in: ပြည်ပအနုပညာသတင်း

အက်ဒလီ သားလေး မွေးပြီ

ဗြိတိန် အဆိုတော် အက်ဒလီသည် သူမ၏ ရင်သွေးလေးကို အောက်တိုဘာ ၁၉ ရက်ညက  မွေးဖွား လိုက်ပြီ ဖြစ်ကြောင်း Daily  Mail သတင်းစာ၏ ဖော်ပြချက် အရ သိရသည်။ The Rolling in the Deep တေး သီချင်းဖြင့်  ကျော်ကြား လာခဲ့သည့် အက်ဒလီနှင့် သူမ၏  ချစ်သူ ဆိုင်မွန် ကိုနက်ကီ တို့သည် ၎င်း တို့ နှစ်ဦး၏ ပထမဆုံး သားဦးလေးကို မွေးဖွားနိုင်ခဲ့ သည့် အတွက် အလွန် ပျော်ရွှင်လျက် ရှိကြောင်း ၎င်းတို့နှင့် ရင်းနှီးသူ တစ်ဦးက  Daily  Mail သတင်းစာသို့ ပြောကြား ခဲ့သည်။ အက်ဒလီ ရင်သွေးလေး မွေးဖွားခြင်းနှင့် ပတ်သက်၍ မိမိတို့ အနုပညာ အေဂျင်စီက မည်သည့် အရာကိုမျှ ဖွင့်ဟ ပြောကြားထားခြင်း မရှိကြောင်း အက်ဒ လီ၏ ပြောရေးဆိုခွင့် ရှိသူ တစ်ဦးက ပြောကြား ခဲ့သည်။ အက်ဒလီနှင့် ကိုနက်ကီ တို့သည် ချစ်သူ သက်တမ်း တစ်နှစ်ကျော် ကြာမြင့်နေပြီ ဖြစ်ပြီး အက်ဒလီက သူမတွင် ရင်သွေးလေး လွယ်ထား ရပြီ ဖြစ်ကြောင်း သူမ၏ ဝက်ဘ်ဆိုက်တွင် ဇွန်လက တရားဝင် ထုတ်ဖော် ပြောကြား ခဲ့သည်။

အပြည့်အစုံသို့ »

Posted in: ပြည်ပအနုပညာသတင်း

တတိယမြောက် ချန်ပီယံဆုအတွက် ကြိုးစားမည့် မြန်မာအမျိုးသမီးအသင်း

၂၀၁၂ ခုနှစ် အာဆီယံအမျိုးသမီး ချန်ပီယံရှစ် ဘောလုံးပြိုင်ပွဲ (AFF Women's Championship 2012)  ကို စက်တင်ဘာ ၁၃ ရက်မှ ၂၂ ရက်အထိ ဗီယက်နမ်နိုင်ငံ၊ ဟိုချီမင်းမြို့တွင် ကျင်းပသွား မည်ဖြစ်ရာ မြန်မာအမျိုးသမီး လက်ရွေးစင်အသင်း ဝင်ရောက်ယှဉ်ပြိုင် သွားမည်ဖြစ် သည်။ မြန်မာ အမျိုးသမီး အသင်းသည်  အုပ်စု (က) တွင် အိမ်ရှင် ဗီယက်နမ်၊ စင်ကာပူ၊ ဖိလစ်ပိုင်အသင်းများနှင့် ကျရောက်လျက်ရှိပြီး အုပ်စု (ခ) တွင်မူ လက်ရှိ ချန်ပီယံ ထိုင်း၊  မလေးရှား၊ လာအို အသင်းများ ပါဝင်လျက်ရှိသည်။ အဆိုပါ အုပ်စုတွင် မူလက အင်ဒိုနီးရှားအသင်း ပါဝင်သော်လည်း ပြိုင်ပွဲမတိုင်မီ နုတ်ထွက်သွားသောကြောင့် သုံးသင်းသာ ကျန်ရှိတော့ခြင်း ဖြစ်သည်။ အာဆီယံ ဒေသများတွင် ထိပ်တန်းနေရာတစ်ခု ရရှိထားသော မြန်မာ အမျိုးသမီး အသင်းသည်  ယင်းပြိုင်ပွဲတစ်လျှောက်တွင် နှစ်ကြိမ် ဗိုလ်စွဲထားကာ ဦးဆောင်ထားပြီး ထိုင်း၊ ဗီယက်နမ်၊ သြစတြေးလျ အသင်းများက တစ်ကြိမ်စီ ဗိုလ်စွဲထားသည်။ ယခုနှစ် ပြိုင်ပွဲတွင်လည်း ထိုင်း၊ ဗီယက်နမ်၊  မြန်မာအသင်း သုံးသင်းသာ ဗိုလ်စွဲရန်အတွက် ရေပန်းစားနေပြီး အဆိုပါ သုံးသင်းထဲမှာသာ ချန်ပီယံအသင်း ပေါ်ထွက် လာဖွယ် ရှိနေသည်။ အုပ်စုခွဲဝေမှု အနေအထားအရ မြန်မာအသင်းသည် အုပ်စု ပထမ နေရာ ရရှိမှသာ အခြားအုပ်စု ပထမနေရာ သေချာနေသည့် ထိုင်းအသင်းကို ရှောင်လွှဲနိုင်မည်ဖြစ်ပြီး  ဗိုလ်လုပွဲသို့ သွားရာ လမ်းကြောင်းသည် ပိုမိုဖြောင့်ဖြူးနိုင်ဖွယ် ရှိနေသည်။ မြန်မာအသင်း အနေဖြင့် အိမ်ရှင် ဗီယက်နမ် အသင်းကို အသာရရှိနိုင်ရန် ခက်ခဲစွာ ကြိုးစားရဖွယ်ရှိနေပြီး အုပ်စု ပထမနေရာအတွက် ဗီယက်နမ်နှင့် ရင်ဆိုင်ရမည့် အုပ်စု နောက်ဆုံးပွဲစဉ်က အဆုံးအဖြတ် ဖြစ်လာမည် ဖြစ်သည်။ အဆိုပါ ပြိုင်ပွဲသို့ ဝင်ရောက်ယှဉ်ပြိုင်မည့် မြန်မာအမျိုးသမီး လက်ရွေးစင်အသင်းသည် စက်တင်ဘာလ ၁ ရက်မှ ၁၀ ရက်အထိ ဂျပန်နိုင်ငံ၊ အိုဆာကာမြို့၌ နေထိုင်လေ့ကျင့်ကာ ခြေစမ်းပွဲများ ယှဉ်ပြိုင်ကစားမည်ဖြစ်ပြီး ၎င်းမှတစ်ဆင့် ဗီယက်နမ်နိုင်ငံ၊ ဟိုချီမင်းမြိုသို့ ဆက်လက်ထွက်ခွာမည် ဖြစ်သည်။ မြန်မာအမျိုးသမီး လက်ရွေးစင် အသင်းအား လက်ရှိ နည်းပြချုပ် တာဝန်ရှိနေသည့် ဂျပန်လူမျိုး ကူမာဒါက “ဂျပန်လို ဘောလုံး အဆင့်မြင့်တဲ့ နိုင်ငံမှာ ပြိုင်ပွဲမတိုင်ခင် ခြေစမ်းလေ့ကျင့်ရမှာ ဖြစ်တဲ့အတွက် အကျိုးရှိစေမှာပါ။ လက်ရှိအချိန်မှာ ဂျပန်ကစားသမားတွေနဲ့  မယှဉ်ပြိုင်နိုင်သေးပေမယ့် အာဆီယံ အသင်းတွေကိုတော့ ကောင်းကောင်းယှဉ်နိုင်မှာပါ” ဟု ဆိုသည်။ ထို့ပြင် ၎င်းက မြန်မာ ကစားသမားများ၏ ဘောလုံးအဆင့်အတန်း မနိမ့်ပါကြောင်း၊ ဘောလုံးနှင့်အတူ လှုပ်ရှားကစားပုံ အားနည်းချက် ရှိနေခြင်းဖြစ်ကြောင်း ဘောလုံးနှင့် တစ်ပါတည်း လှုပ်ရှားကစားပုံ ကောင်းစေချင်ကြောင်း သို့အတွက် ပြင်ဆင်လေ့ကျင့်နေကြောင်း ဆက်လက်ပြောကြားသည်။ ရပါတယ်။ လူဟောင်းတွေကလည်း သူတို့အတွေ့အကြုံပိုင်းနဲ့ ထိန်းဖို့အတွက် လိုအပ်ပြီး လူငယ်လေးတွေကလည်း ကြိုးစားကစားမယ်ဆိုရင် အသင်းက ပိုကောင်းလာမှာပါ။ ကျွန်တော်ကိုင်တဲ့ လက်ထက်ကတည်းကလည်း လူငယ်တွေကို လူကြီးတွေနဲ့ ဆွဲတင်လာတာပါ။ အဲဒီအချိန်တုန်းက လူငယ်တွေက ခုဆို အသင်းရဲ့ အမာခံ ကစားသမားတွေ  ဖြစ်နေပါ ပြီ” ဟု မြန်မာအမျိုးသမီး လက်ရွေးစင်အသင်းကို ၂၀၀၆ မှ ၂၀၁၁ အထိ ကိုင်တွယ်ခဲ့သည့် ယခင်နည်းပြချုပ်ဟောင်း ဦးအေးကြူကြီးက သုံးသပ်သည်။ သို့သော် လက်ရှိ ဒေသတွင်း နိုင်ငံများတွင် ထိပ်သီးအဆင့်ရှိနေသော မြန်မာအမျိုးသမီး ဘောလုံး အားကစားအား အထောက်အပံ့ အားပေးမှု အပိုင်းများတွင်မှု အားရမှု မရှိသေးကြောင်း အားကစား ကျွမ်းကျင်သူများနှင့် ပရိသတ်များက သုံးသပ်ပြောကြားသည်။ “လက်ရှိ ပြည်တွင်းမှာ အမျိုးသား ဘောလုံးနဲ့ ပတ်သက်ပြီး ငွေကြေးမြောက်မြားစွာ အကုန်ကျခံ ပြုလုပ်နေကြတာတော့ တွေ့ရပါတယ်။ မအောင်မြင်သေးပါဘူး၊ လုပ်ပါ၊ ဒါပေမဲ့ အာဆီယံမှာ လက်ရှိ ထပ်သီးအဆင့်ရှိပြီး ပြိုင်ဘက်တွေက လေးစားတဲ့  မြန်မာ အမျိုးသမီး ဘောလုံး အာကစားနဲ့ လုပ်ဆောင်တာတွေကျတော့ အားနည်းတာကို တွေ့ရပါတယ်။ မြန်မာ အမျိုးသမီး ကစားသမားတွေဟာ ပြိုင်ပွဲတိုင်းမှာ စိတ်ဓာတ်အကောင်းဆုံးနဲ့ ယှဉ်ပြိုင်ခဲ့ကြတာပါ။ အဲလိုမျိုးပုံစံက အမျိုးသားအသင်းမှာတောင် အမြဲတမ်း မတွေ့ရပါဘူး” ဟု ပရိသတ် တစ်ဦးက ပြောသည်။ ယခင်က ပြည်နယ်နှင့် တိုင်းဒေသကြီးအလိုက် သက်တမ်းအလိုက် အမျိုးသမီး ဘောလုံးပြိုင်ပွဲများကို ကျင်းပခဲ့သော်လည်း ၂၀၁၁ နှင့် ၂၀၁၂  ခုနှစ်တို့တွင် မတွေ့တော့ကြောင်း၊ အောက်ခြေမှ မျိုးဆက်သစ်များ ထွက်ပေါ်လာနိုင်သည့် ပြိုင်ပွဲများ မရှိပါက အောင်မြင်နိုင်မည် မဟုတ်ကြောင်း၊ အထူးသဖြင့် နိုင်ငံအတွက် အားထားရသည့်  မြန်မာ အမျိုးသမီး ဘောလုံး အားကစားနည်းအတွက် ပိုမိုဂရုစိုက်သင့်ကြောင်း အားကစားလေ့လာသုံးသပ်သူ တစ်ဦးက ဆိုသည်။ “ပြည်နယ်တိုင်း ဘောလုံးအဖွဲ့ချုပ်တွေနဲ့ တာဝန်ရှိသူတွေကလည်း  အမျိုးသမီးတွေ ဘောလုံး အားကစားနည်းကို စိတ်ဝင်စားဖို့ ဆောင်ရွက်ရန် လိုအပ်မှာဖြစ်ပြီး ဝန်ကြီးဌာန အသင်းတွေ၊ အားလုံး ဝိုင်းဝန်းဆောင်ရွက်ဖို့ လိုအပ်မှာ ဖြစ်ပါတယ်။ အဖွဲ့ချုပ် ဥက္ကဋ္ဌ အနေနဲ့လည်း နောက်နှစ်မှာ အားကစားဝန်ကြီးဌာနနဲ့ ပူးပေါင်းပြီး သက်တမ်းအလိုက် အမျိုး သမီး ဘောလုံးပြိုင်ပွဲတွေလုပ်ဖို့ စီစဉ်နေပါပြီ။ နောက် အမျိုးသမီးလိဂ်ပြိုင်ပွဲ လုပ်ဖို့လည်း အစီအစဉ် ရှိပါတယ်” ဟု ဘောလုံးအဖွဲ့ချုပ် တာဝန်ရှိသူ တစ်ဦးက ဆိုသည်။ လက်ရှိတွင် အားကစားဝန်ကြီးဌာန အနေဖြင့်လည်း နေပြည်တော်တွင် အမျိုးသမီး ဘောလုံး အားကစားသမားများကို  စခန်း သွင်း လေ့ကျင့်လျက်ရှိကြောင်းလည်း သိရသည်။ ထိုင်းနှင့် ဗီယက်နမ်အသင်းများ အနေဖြင့် ပြင်ဆင်မှုအားကောင်းကြောင်း၊ သက်တမ်းအလိုက် ပြိုင်ပွဲများလည်း အဆက် မပြတ်  ပြုလုပ်ပေးထားကြောင်း၊ မြန်မာနိုင်ငံတွင်လည်း အမျိုးသမီး ဘောလုံးပြိုင်ပွဲများ စနစ်တ ကျ ပေါ်ပေါက်လာစေရန် မျှော်လင့်ကြောင်း အားကစား လေ့လာသုံးသပ်သူ တစ်ဦးကလည်း ဆိုသည်။  “ဗီယက်နမ်နိုင်ငံရဲ့ ပြည်တွင်းလိဂ် အမျိုးသမီးပြိုင်ပွဲတစ်ခုကို သွားကြည့်ဖူးပါတယ်။ စနစ်ကျပြီး အဆင့်မြင့်တာကို တွေ့ရပါတယ်။ နောက် သူတို့ဆီမှာ သက်တမ်းအလိုက် ပြိုင်ပွဲတွေကို ပြုလုပ်ပေးပြီး အသင်းတွေကိုလည်း  နှစ်လုံးပေါက် စခန်းသွင်း လေ့ကျင့်ပေးထားတာ တွေ့ရပါတယ်” ဟု ယခင် မြန်မာ အမျိုးသမီး လက်ရွေးစင်အသင်း တိုက်စစ်မှူးဟောင်း ဇင်မာဝမ်းက ပြောသည်။ လက်ရှိ  အမျိုးသမီး လက်ရွေးစင်အသင်း၌ အခြားနေရာများတွင် အတွေ့အကြုံရှိ လူဟောင်းများနှင့် လူငယ်များ ထိန်းညှိကစားနိုင်သော်လည်း ရှေ့တန်းနေရာတွင်မူ လူငယ်များသာ ဖြစ်သည့်အတွက် အားနည်းမှု ရှိနိုင်ကြောင်း ပရိသတ် တစ်ဦးက သုံးသပ်သည်။ “လက်ရှိ ရှေ့တန်းမှာ ခင်မာလာထွန်း တစ်ယောက်တော့ အရင်လူဟောင်းပေါ့။ ကျန်တာ လူငယ်တွေများတယ်။ ကြည့်မိသလောက်တော့ ဂိုးဖန်တီးနိုင်မှုနဲ့ ဂိုးရရှိဖို့ အဆုံးသတ်ပိုင်းတွေမှာ အားနည်းနေတယ်။ အခွင့်အရေးတွေ အသုံးချတတ်ဖို့ လိုနေသေးတယ်။ ပြိုင်ပွဲကျရင် အကောင်းဆုံးပုံစံရဖို့ မျှော်လင့်ပါတယ်” ဟု ၎င်းက ပြောသည်။  ထိုင်း၊ ဗီယက်နမ် ကစားသမားများအနေဖြင့် တစ်ဦးချင်း၊ အသင်းလိုက် ကစားပုံ ပိုကောင်းသော်လည်း မြန်မာက စိတ်ဓာတ်ပိုင်း ပိုသာကြောင်း၊  ပြိုင်ပွဲမတိုင်ခင် ဂျပန်၌ လေ့ကျင့်ခြေစမ်းခွင့် ရရှိခြင်းကလည်း အသင်းကို အကျိုးရှိစေမည်ဖြစ်ကြောင်း ဇင်မာဝမ်းက ဆိုသည်။  နည်းပြချုပ် ကူမာဒါကလည်း ဂျပန် အမျိုးသမီးအသင်း အနေဖြင့် ကမ္ဘာ့ဖလားပြိုင်ပွဲတွင် ဗိုလ်စွဲသည်အထိ အောင်မြင်မှု ရရှိခြင်းမှာ ရေရှည် စီမံချက်ကောင်းကောင်းကို စနစ်တကျ ပြင်ဆင်ဆောင်ရွက်ခဲ့ခြင်းကြောင့် ဖြစ်ကြောင်း ၎င်းတို့နိုင်ငံ အသင်း၏ ဆောင်ရွက်ခဲ့ပုံကို ပြောသည်။ အာဆီယံ အမျိုးသမီး ချန်ပီယံရှစ် ပြိုင်ပွဲတွင် လက်ရှိအချိန်၌ မြန်မာအမျိုးသမီးအသင်းသည် နှစ်ကြိမ် ဗိုလ်စွဲထားသော်လည်း ဆီးဂိမ်းပြိုင်ပွဲတွင်မူ ရွှေတံဆိပ် ရယူခြင်း မရှိခဲ့သေးပေ။ ထို့ကြောင့် လာမည့်  မြန်မာနိုင်ငံက  အိမ်ရှင်အဖြစ် လက်ခံကျင်းပမည့် ၂၀၁၃ ဆီးဂိမ်းပြိုင်ပွဲအတွက် ပိုမိုအားတက်လာစေရန်နှင့် ယခုပြိုင်ပွဲ၏ တတိယအကြိမ်မြောက် ချန်ပီယံအသင်းအဖြစ် မှတ်တမ်း ရေးထိုးနိုင်ရန်အတွက် မြန်မာ အမျိုး သမီး ဘောလုံးအသင်း ကြိုးစားရမည် ဖြစ်သည်။

အပြည့်အစုံသို့ »

Posted in: ပြည်တွင်းအားကစားသတင်း

တေဗက်ဇ်အားခေါ်ယူလျှင် ဂျူဗင်တပ်စ်၏ ပြန်လည်တည်ဆောက်ရေးလမ်းစဉ်ကို ပျက်စီးစေမည်ဟု မော့ဂီသတိပေး

စီးရီးအေ ထိပ်သီး ဂျူဗင်တပ်စ် အသင်း၏ အထွေထွေ ဒါရိုက်တာဟောင်း လူစီယာနိုမော့ဂီက ဂျူဗင်တပ်စ် အသင်း အနေဖြင့်  မန်စီးတီး အသင်း၌ နည်းပြ မန်စီနီနှင့် ပြဿနာ ဖြစ်နေသော အာဂျင်တီးနား တိုက်စစ်မှူး တေဗက်ဇ်အား ဇန်နဝါရီ အပြောင်းအရွှေ့ ကာလ၌ ခေါ်ယူမည်ဆိုလျှင် အသင်း ပြန်လည် တည်ဆောက်ရေး လုပ်ငန်းစဉ်ကို ထိခိုက် ပျက်စီးစေနိုင်ကြောင်း သတိပေး ပြောကြားသွားခဲ့သည်။ တေဗက်ဇ်သည် ဘိုင်ယန်မြူးနစ်နှင့် ချန်ပီယံလိဂ် ပွဲစဉ်တွင် လူစားဝင် ကစားရန် ငြင်း ဆန်ခဲ့ရာမှတစ်ဆင့် ၎င်း၏ မန်စီးတီး ကစားသမားဘဝ အဆုံးသတ်သွားခဲ့ပြီဟု နည်းပြ မန်စီနီက ကြေညာခဲ့ပြီး မန်စီးတီး အသင်း တာဝန်ရှိသူများကလည်း တေဗက်ဇ်အား (၂) ပတ် ပွဲပယ်ပြစ်ဒဏ် ချမှတ်ခဲ့သည်။ ယခုအခါ တေ ဗက်ဇ်မှာ ပြစ်ဒဏ်ကာလ ပြီးဆုံးခဲ့ပြီ ဖြစ်၍ ပြီးခဲ့သည့် ကြာသပတေးနေ့က လေ့ကျင့်ခန်း စဆင်းခဲ့ပြီး မန်စီနီကမူ ၎င်းအား တစ်ဦး တည်း လေ့ကျင့်ခန်း ပြုလုပ်စေခဲ့သည်။ သို့ဖြစ်ရာ မန်စီနီနှင့် တေဗက်ဇ်အကြား ပြဿနာမှာ တစ်စစ ကြီးထွားလာခဲ့သလို တေဗက်ဇ် အနေဖြင့်လည်း မန်စီးတီး ပထမအသင်း၌ ပါဝင်ခွင့် ရရှိရန် မလွယ်ကူတော့ဟု သုံးသပ်လျက် ရှိသည်။ မော့ဂီက တေဗက်ဇ်မှာ ကစားသမားကောင်း တစ်ဦး ဖြစ်သော်လည်း ဂျူဗင်တပ်စ် အနေဖြင့် ၎င်းအား ခေါ်ယူခဲ့မည်ဆိုလျှင် တူရင်၌ အသင်း ပြန်လည်တည်ဆောက်ရေး လုပ်ငန်းစဉ်ကို ပျက်စီး ထိခိုက်စေနိုင်ကြောင်း ယုံကြည်လျက် ရှိသည်။ “တေဗက်ဇ်ကို ဇန်နဝါရီ အပြောင်းအရွှေ့ ကာလမှာ ခေါ်ယူခဲ့မယ်ဆိုရင် ဂျူဗင်တပ်စ်ရဲ့ ပြန်လည်တည်ဆောက်ရေး လုပ်ငန်းစဉ် အကြီးအကျယ် ထိခိုက် ပျက်စီးသွားနိုင်ပါတယ်” ဟု မော့ဂီက ပြောကြားသွားခဲ့သည်။ အခြားသတင်းတစ်ရပ်အရ အင်္ဂလန် အသင်း နည်းပြ ကာပယ်လိုက ဂျူဗင်တပ်စ် အသင်း၏ ကွင်းသစ် စီမံကိန်းနှင့် အစီအစဉ်များအား ချီးကျူးခဲ့သည်။ ဂျူဗင်တပ်စ် အသင်းသည် ဒေသတွင်း ကောင်စီမှ ငှားရမ်း အသုံးပြုခြင်း မရှိဘဲ ကိုယ်ပိုင်ကွင်း ပိုင်ဆိုင်သည့် ပထမဆုံး စီးရီးအေ ကလပ် ဖြစ်လာခဲ့သည်။

အပြည့်အစုံသို့ »

Posted in: ပြည်ပအားကစားသတင်း

ပြင်သစ်နဲ့ ဥရောပ ဘောလုံးလောကကို အံအားသင့်စေခဲ့တဲ့ မောင့်ပီလီယေး

ပြီးခဲ့တဲ့ရာသီက ပြင်သစ်လိဂ်မှာ မထင်မှတ်ဘဲ ဗိုလ်စွဲခဲ့တဲ့အတွက် မော်ဒန် ဘောလုံးလောက တစ်ခုလုံး အံ့အားသင့်ခဲ့ကြရပါတယ်။  နည်းပြ ရီနီဂျီရတ်ရဲ့ အသင်းချန်ပီးယံ ဖြစ်ခြင်းအပေါ် ထိုက်တန်မှု ရှိရဲ့လားလို့ သံသယ ရှိသူတွေလည်း ရှိနိုင်ပါတယ်။ ရာသီအစမှာ အသင်းဥက္ကဋ္ဌ လူးဝစ်နီကိုလင်းရဲ့ ရည်မှန်းချက်က ထိပ်သီးခုနှစ်သင်းအတွင်း ဝင်နိုင်ရေးပါ။ ဒါတောင်မှ ၂၀၁၀-၁၁ ရာသီက တန်းဆင်းဇုန်နဲ့ သုံးမှတ်အကွာမှာ ရပ်တည်ခဲ့ရပြီး ပျှမ်းမျှသွင်းဂိုး တစ်ပွဲကို တစ်ဂိုးနှုန်းတောင် မရှိခဲ့တဲ့ သူတို့ အသင်းအတွက် ဒီရည်မှန်းချက်က အရမ်းကို မြင့်မားလွန်းနေပါတယ်။ မောင့်ပီလီယေးဟာ ပြင်သစ်လိဂ်မှာ ဘတ်ဂျက်အရ စီလိုက်ရင် အဆင့် ၁၃ နေရာမှာ ရပ်တည်ခဲ့တဲ့ အသင်းလည်း ဖြစ်ပါတယ်။ ဒီအသုံးစရိတ်ဟာ ထိပ်သီး ပီအက်စ်ဂျီရဲ့ လေးပုံတစ်ပုံတောင် မရှိခဲ့ပါဘူး။ ပြင်သစ် ဘောလုံးမဂ္ဂဇင်းက မောင့်ပီလီယေးကို ၂၀၁၁-၁၂ ရာသီမှာ အသင်းတိုးတက်မှု ရရှိလာမယ်လို့ ခန့်မှန်းခဲ့ပေမယ့် အမှတ်ပေးဇယား အလယ်မှာ ရပ်တည်နိုင်ခဲ့လိမ့်မယ်လို့တောင် မမျှော်လင့်ခဲ့တာ အမှန်ပါပဲ။ ဒါပေမယ့် မောင့်ပီလီယေးဟာ အခြေခံအုတ်မြစ် ခိုင်မာတဲ့ အသင်းပါ။ နည်းပြ ဂျီရတ်က အသင်းကို ပြီးခဲ့တဲ့ ရာသီကတည်းက ကိုင်တွယ်ခဲ့လို့ အထိုင်ကျပြီးသား အနေအထားမှာ ရှိနေပါတယ်။ မောင့်ပီလီယေးဟာ ချမ်းသာကြွယ်ဝတဲ့ အသင်းတစ်သင်း မဟုတ်ပါဘူး။ ဒါပေမယ့် သူတို့ဟာ လူငယ်ဖွင့်ဖြိုးရေး အစီအစဉ်မှာ ကျယ်ကျယ်ပြန့်ပြန့် ရင်းနှီးမြှပ်နှံထားတဲ အသင်းတစ်သင်း ဖြစ်ပါတယ်။ ပြီးခဲ့တဲ့ ရာသီမှာ ခြေစွမ်းပြခဲ့ကြတဲ့ အဓိက ကစားသမား အများစုဟာ အသင်းအကယ်ဒမီကနေ ထွက်ပေါ်လာခဲ့ကြသူတွေပါ။ ဂိုးသမား ဂျော်ဒန်ကစ၊ အသင်းခေါင်းဆောင် ယန်ဂါအမ်ဘီဝါ၊ စတမ်ဘူလီ၊ ဆိုင်ဟီ၊ ဘယ်လ်ဟန်ဒါတို့ အလယ်ကာဘယ်လ်၊ အိတ်ဖာနာတို့ အဆုံးပါပဲ။ တိုက်စစ်ကို ဂျီရုဒ် ဦးဆောင်ပြီး ခံစစ်မှာ ဟီလ်တန်နဲ့ ဘီဒီမိုတို့ကို အင်အား ထပ်ဖြည့်လိုက်တော့ သူတို့အသင်း အင်အားဟာ တကယ် တောင့်တင်းသွားခဲ့ပါပြီ။ ပြီးခဲ့တဲ့နှစ် နွေရာသီက ပြင်သစ်လိဂ် ထိပ်သီးအသင်းကြီးတွေ ဖြစ်တဲ့ ပီအက်စ်ဂျီ၊ လိုင်လီ၊ လီယွန်နဲ့ မာဆေးတို့ဟာ ကစားသမား အဝင်အထွက်နဲ့ အလုပ်ရှုပ်ခဲ့ရပြီး ရာသီအစမှာ ခြေစွမ်းမှန်ဖို့ ရုန်းကန်ခဲ့ရပါတယ်။ မောင့်ပီလီယေးကတော့ လက်ရှိချန်ပီယံ လိုင်လီကို အဝေးကွင်းမှာ ၁-၀ နဲ့ အနိုင်ရတဲ့ပွဲ အပါအဝင် ရာသီအစ သုံးပွဲဆက် အနိုင်ရခဲ့ပါတယ်။ ရာသီ အစပိုင်းမှာ ရလဒ်ကောင်းခဲ့တဲ့အပေါ် အသင်းဥက္ကဋ္ဌ ဘီဒီမိုက "ရာသီအစမှာ ရလဒ် ကောင်းခဲ့တာဟာ အသင်းကို တစ်ရာသီလုံး ရလဒ်ကောင်းဖို့ ခွန်အား ဖြစ်စေခဲ့ပါတယ်။ အရမ်း ခက်ခဲတဲ့ ပွဲတွေမှာတောင် ကျွန်တော်တို့ ကောင်းကောင်း ကစားနိုင်ခဲ့တယ်။ လိုင်လီကို အနိုင်ရတဲ့ပွဲက ကျွန်တော်တို့အသင်းရဲ့ စွမ်းဆောင်ရည်ကို ပြသခဲ့တဲ့ ပွဲပါပဲ။ ကျွန်တော်တို့ဟာ ဖိအားဒဏ်ကို ခံနိုင်ရည်ရှိရှိနဲ့ ပွဲကို ဆက်ကစားနိုင်စွမ်း ရှိပါတယ်။ အသင်းရဲ့ ရစ်သမ်မှန် မရချိန်မှာတော့ တချို့ အသင်းတွေနဲ့ ကျွန်တော်တို့ကြားမှာ ကွာဟချက် ကြီးမားအောင် ပြုလုပ်ခဲ့မိပါတယ်" လို့ ပြောကြားခဲ့ပါတယ်။ မောင့်ပီလီယေးဟာ ရာသီအစ ၁၆ ပွဲမှာ နှစ်ပွဲ ရှုံးနိမ့်ခဲ့တယ်။ ပီအက်ဂျီကို ၃-၀ ဂိုးနဲ့ ရှုံးနိမ့်ခဲ့တဲ့ ပွဲတွေပါ။ ပီအက်စ်ဂျီကို ဂိုးပြတ် ရှုံးနိမ့်ခဲ့လို့ ချန်ပီယံဆုအတွက် စိန်ခေါ်နိုင်စွမ်း မရှိလောက်ပါဘူးလို့ သုံးသပ်မှုတွေလည်း ထွက်ပေါ်ခဲ့ပါတယ်။ ဒါပေမယ့် ဘီဒီမိုကတော့ သူ့ရဲ့အမြင်ကို အခုလို ထုတ်ဖော် ပြောဆိုခဲ့ပါတယ်။ "ကျွန်တော်တို့အသင်း စွမ်းဆောင်မှုအရ သရေရလဒ် ရဖို့ အခွင့်အရေး ရှိပါတယ်" လို့ ဆိုပါတယ်။ မောင့်ပီလီယေးဟာ ဂိုးပြတ်နိုင်ပွဲတွေ ရရှိပြီး အောင်ပွဲ ခံနိုင်ခဲ့တာတွေ ရှိခဲ့ပါတယ်။ ရန်းနက်ကို ၄-၀၊ ဒီဂျွန်ကို ၅-၃ နဲ့ လော်ရီယန့်ကို ၄-၀ ဂိုးတွေနဲ့ အနိုင်ရခဲ့တဲ့ပွဲတွေ ဖြစ်ပါတယ်။ ဒီလို ဂိုးပြတ်တွေနဲ့ အနိုင်ပွဲတွေ ရှိခဲ့ပေမယ့် ရာဦဝက် ကျိုးချိန်မှာ အီဗီယန်ကို မထင်မှတ်ဘဲ ရှုံးနိမ့်ခဲ့ရတာကြောင့် ပီအက်စ်ဂျီက အမှတ်ပေးဇယား ထိပ်ဆုံးနေရာကို ရယူနိုင်ခဲ့ပြီး အဲဒီနေရာမှာ ဆက်လက် ရပ်တည်နိုင်ခဲ့ပါတယ်။ လိုင်လီက ဒုတိယနေရာကနေ ကပ်ပြီး ဖိအားပေးနိုင်ခဲ့သလို လီယွန်ဟာလည်း ချန်ပီယံ ပြေးလမ်းပေါ်မှာ ရှိနေခဲ့ပါတယ်။ ရာသီဝက်ကျိုးခါနီးမှာ မောင့်ပီလီယေး ခြေချော်ခဲ့ပေမယ့် ဘောဒိုးကစားသမား တစ်ယောက် အဖြစ်နဲ့ အမှတ်ပေးဖလား သုံးကြိမ် ရယူခဲ့တဲ့ နည်းပြဂျီရတ်က အရှုံးရလဒ်ကို မေ့ဖျောက်ပြီး ဆောင်းရာသီ အားလပ်ရက် အပြီးမှာ အသင်းကို ရလဒ်ကောင်းတွေ ပြန်ရယူနိုင်ခဲ့တယ်။ မောင့်ပီလီယေးဟာ ၂၀၁၂ အစပိုင်းမှာ ကစားတဲ့ ရှစ်ပွဲမှာ ခြောက်ပွဲနိုင်ပြီး နှစ်ပွဲ သရေကျအောင် ကစားနိုင်ခဲ့တယ်။ အဲဒီရှစ်ပွဲမှာ ပေးဂိုးသုံးဂိုးသာ ခွင့်ပြုခဲ့ရတယ်။ ဖေဖော်ဝါရီလက ပီအက်စ်ဂျီကို အဝေးကွင်းမှာ တည်တည်ငြိမ်ငြိမ် ကစားပြီး ၂-၂ သရေရလဒ်ရအောင် ကစားနိုင်ခဲ့တယ်။ အဲဒီပွဲ အနိုင်ရရင် မောင့်ပီလီယေး ဇယား ထိပ်ဆုံးကို ရောက်မှာ ဖြစ်ပေမယ့် နောက် ကျ ချေပဂိုး ပေးရတာကြောင့် ပီအက်စ်ဂျီက ထိပ်ဆုံးနေရာမှာ ဆက်လက် ရပ်တည်နိုင်ခဲ့တယ်။ အဲဒီပွဲ နောက်ပိုင်းမှာတော့ မောင့်ပီလီယေးရဲ့ ခြေစွမ်း တိုးတက်လာခဲ့ပါတယ်။ အခုဆိုရင်တော့ မောင့်ပီလီယေး အသင်းသားတွေဟာ သူတို့ရဲ့ ခြေစွမ်းကြောင့် ချန်ပီယံဆု ဆွတ်ခူးနိုင်တယ် ဆိုတာကို အမှန်တကယ် သိရှိနေကြပါပြီး။ "ပီအက်စ်ဂျီဟာ တစ်နေ့ကျရင် ကျွန်တော်တို့ထက် အများကြီး ပိုကောင်းတဲ့အသင်း ဖြစ်လာမှာပါ။ ဒါပေမယ့် အခု လောလောဆယ်မှာတော့ သူတို့ရဲ့ ခြေစွမ်းက ကျွန်တော်တို့အတွက် ပြဿနာ မရှိပါဘူး။ သူတို့က ကျွန်တော်တို့ထက် ပိုမကောင်းဘူးဆိုတာ ကွင်းထဲမှာ ကျွန်တော်တို့ သက်သေ ပြပြီးပါပြီ" လို့ ဂျီရတ်က ပြောဆိုသွားခဲ့ပါတယ်။ မောင့်ပီလီယေးဟာ မတ်လနှောင်းပိုင်းမှာ အမှတ်ပေးဇယား ထိပ်ဆုံးနေရာကို ရယူနိုင်ခဲ့ပြီး ရာသီကုန်တဲ့အထိ ဒီထိပ်ဆုံးနေရာမှာ မြဲမြဲ ရပ်တည်နိုင်ခဲ့ပါတယ်။ သူတို့အသင်းဟာ ပြင်သစ်လိဂ် သမိုင်းမှာ အကောင်းဆုံးအသင်း ဖြစ်ခဲ့ပြီး ၂၀၁၀-၁၁ ရာသီက လိုင်လီ ချန်ပီယံဖြစ်တဲ့ ရမှတ်လည်း ကျော်ဖြတ်နိုင်ခဲ့တယ်။ တစ်ရာသီလုံး အမ်ကွင်း ရှုံးပွဲ ၁ ပွဲပဲ ရှိပြီး ၁-၀ ဂိုးနဲ့ အနိုင်ရတဲ့ပွဲ ၁၁ ပွဲပဲ ရှိခဲ့တယ်။ အသင်းတိုက်စစ်မှူး ဂျီရုဒ်က သွင်းဂိုး ၂၁ ဂိုးနဲ့ ပူးတွဲဂိုး အများဆုံး သွင်းသူအဖြစ် ရပ်တည်နိုင်ခဲ့တယ်။ ငွေကြေးအကြောင်း အဓိက ပြောနေကြတဲ့ လက်ရှိ ဘောလုံးလောကမှာ မောင့်ပီလီယေးရဲ့ မောင်မြင်မှုဟာ ထူးခြားမှု တစ်ခုပါပဲ။ ဒီလို အောင်မြင်မှုမျိုးမှာ ဥရောပထိပ်သီး လိဂ်ပြိုင်ပွဲတွေထဲမှာ ကြီးမားတဲ့ အောင်ပွဲ လည်း ဖြစ်ပါတယ်။ ပြင်သစ် ဘောလုံးလောကရဲ့ စံပြ အောင်ပွဲလည်း ဖြစ်ပါတယ်။

အပြည့်အစုံသို့ »

Posted in: ပြည်ပအားကစားသတင်း

ဟီဂူအင်းအတွက် ဂျူဗင်းတပ်စ်ထံမှ အားပြိုင်လာမှုနှင့် ချယ်လ်ဆီးကြုံနေရ

ချယ်လ်ဆီး အသင်းသည် ရီးယဲလ်မက်ဒရစ် တိုက်စစ်မှူး ဂွန်ဇာလို ဟီဂူအင်းအား ရရှိရေး အတွက် ဂျူဗင်းတပ်စ်ထံမှ အားပြိုင်လာမှုနှင့် ကြုံနေရကြောင်း  သိရှိရသည်။ ဒီဒီရာ ဒရော့ဂ်ဘာ အသင်းမှ ထွက်ခွာသွားဖြစ်ပါက အာဂျင်တီးနား လက်ရွေးစင် ဟီဂူအင်းအား ခေါ်ယူရန် ချယ်လ်ဆီးက ရည်ရွယ်ထားသော်လည်း ယခုအခါ ဂျူဗင်းတပ်စ် အသင်းက ကစား သမားကို ပေါင်စတာလင် (၂၄)သန်း ဈေးပေး ခေါ်ယူရန် ပြင်ဆင်လျက် ရှိသည်။ အီတလီ ကလပ်အသင်းသည် ဘောလုံးရာသီ အကုန်တွင် အသက် (၂၄)နှစ်ရှိ ဟီဂူအင်းအတွက် အတည်ပြု ကမ်းလှမ်းမှုတစ်ခု ပြုလုပ်ဖွယ် ရှိနေကြောင်း သိရသည်။ ဟီဂူအင်းသည် စပိန်ကလပ်တွင် ကီရင်ဘန်ဇီးမားနှင့် တစ်လှည့်စီ ပွဲထွက်နေရပြီး ရာသီကုန်တွင် အပြောင်းအရွှေ့ အတွက် စဉ်းစားဖွယ် ရှိနေကြောင်း သတင်းများက ဆိုသည်။ ဂျူဗင်းတပ်စ်သည် ရာသီကုန်တွင် ချန်ပီယံလိဂ်ဝင်ခွင့် ကျိန်းသေ ရရှိလာပါက ဟီဂူအင်းကို ကမ်းလှမ်းရန် လုပ်ဆောင်နိုင်ဖွယ် ရှိနေကြောင်းလည်း သတင်းများက ဖော်ပြခဲ့သည်။ ချယ်လ်ဆီးသည် နီကိုလက်စ် အနယ်လ်ကာ အသင်းပြောင်းသွားပြီဖြစ်ပြီး ဒရော့ဂ်ဘာပါ အသင်းမှ ထွက်ခွာ ဖြစ်ပါက တိုက်စစ်မှူးသစ် မဖြစ်မနေ ခေါ်ယူရဖွယ် ရှိနေသည်။ ချယ်လ်ဆီး မန်နေဂျာ အန်ဒရီ ဗီးလက်စ် ဘိုအာ့စ်သည် ယခင်ကတည်းက ဟီဂူအင်း၏ ကစားဟန်ကို နှစ်သက် သဘောကျခဲ့သူ တစ်ဦးလည်းဖြစ်သည်။ အခြားသော သတင်းများအရ ပဲရစ်စိန့်ဂျာမိန်းသည်လည်း ဟီဂူအင်းအား ပစ်မှတ်ထားနေကြောင်း သိရှိရသည်။

အပြည့်အစုံသို့ »

Posted in: ပြည်ပအားကစားသတင်း

ဂျပန်လက်ရွေးစင်ဟွန်ဒါအား လာဇီယိုကအပြီးသတ်ခေါ်ယူရန်စီစဉ်

ယခု ဆောင်းရာသီ အပြောင်းအရွှေ့ ဈေးကွက် မပိတ်သိမ်းမီတွင် ဂျပန်လက်ရွေးစင် ကိုင်ဆူကီဟွန်ဒါအား လာဇီယိုအသင်းက အပြီးသတ် ခေါ်ယူရန် စီစဉ်နေကြောင်း  သိရှိရသည်။ ကွင်းလယ်ဖန်တီးမှုနှင့် တိုက်စစ်ချိတ်ဆက်မှုတို့တွင် ထူးချွန်သော အသက် (၂၅) နှစ်အရွယ် ကစားသမားအတွက် အီတလီ ကလပ်အသင်းက ယူရို (၁၄) သန်းမျှ ပြောင်းရွှေ့ကြေး သုံးစွဲရဖွယ် ရှိနေသည်။ CSKA မော်စကိုအသင်းတွင် ကစားနေသော ဟွန်ဒါကို လီဗာပူးလ်၊ ပဲရစ်စိန့်ဂျာမိန်းနှင့် ဂျူဗင်းတပ်စ်တို့ကလည်း စိတ်ဝင်စားခဲ့သေးသည်။ သို့သော်လည်း လာဇီယိုက ပြိုင်ဘက်များကို လက်ဦးမှုယူကာ ရုရှားကလပ်နှင့် ညှိနှိုင်းဆွေးနွေးမှုများ ပြုလုပ်ခဲ့ကြောင်း Sports Nippon သတင်းစာက ဖော်ပြခဲ့သည်။ ဟွန်ဒါသည် ဇန်နဝါရီလ (၃၁) ရက်နေ့ည ဈေးကွက်မပိတ်မီတွင် ရောမမြို့ခံ ကလပ်အသင်းနှင့် ဆေးစစ်မှုများ ပြုလုပ်ပြီး အပြီးသတ် စာချုပ်မည်ဟု သိရသည်။ ဟွန်ဒါသည် အသင်းနှင့် ပုဂ္ဂိုလ်ရေးဆိုင်ရာ ညှိနှိုင်းမှုများလည်း ပြုလုပ်ထားပြီး ဖြစ်သည်။ ဥရောပ ယူနီယံ အဖွဲ့ဝင်နိုင်ငံများမှ မဟုတ်သည့် ကစားသမား အရေအတွက် အကန့်အသတ်အရ ဟွန်ဒါကို ခေါ်ယူပြီးချိန်တွင် လာဇီယိုအတွက် စာရင်းပြည့်သွားပြီဟု သိရသည်။ ဟွန်ဒါသည် လာဇီယို ဥက္ကဋ္ဌ ကလော်ဒီယို လိုတီတိုနှင့် တွေ့ဆုံမှုများလည်း ပြုလုပ်ခဲ့သည်။ ယမန်နှစ် ဇန်နဝါရီလက အာရှဖလား တွင် ခြေစွမ်းပြခဲ့သည့် ဟွန်ဒါကို အင်္ဂလန် ကလပ်အချို့က စိတ်ဝင်စားမှု ပြသခဲ့ဖူးသည်။ ဟွန်ဒါသည် မိခင်နိုင်ငံရှိ ဂျေလိဂ်ပြိုင်ပွဲတွင် နာဂိုယာ ဂရမ်းပက်စ်နှင့် (၄) နှစ်ကြာ ကစားဖူးပြီး ဒတ်ခ်ျ ကလပ်ဗန်လိုသို့ ပြောင်းရွှေ့ကာ (၂၀၁၀) ပြည့်နှစ်၊ ဇန်နဝါရီလကမှ CSKA သို့ ရောက်ရှိ သွားခြင်း ဖြစ်သည်။

အပြည့်အစုံသို့ »

Posted in: ပြည်ပအားကစားသတင်း

မြန်မာနိုင်ငံတွင် “Road to London” အိုလံပစ် အထိမ်းအမှတ်ပွဲ ကျင်းပမည်

မြန်မာနိုင်ငံ အားကစားရေးရာ ဝန်ကြီးဌာနနဲ့ ဗြိတိန်နိုင်ငံ နိုင်ငံတကာ ဖွံ့ဖြိုးတိုးတက်ရေး ဝန်ကြီးဌာနတို့ ပူးပေါင်းပြီး  လာမယ့် ဇူလိုင်လ (၁၁) ရက်နေ့မှာ ရန်ကုန်မြို့ရှိ သုဝဏ္ဏ မိုးလုံလေလုံ အားကစားကွင်းမှာ Road to London အိုလံပစ် အထိမ်းအမှတ်ပွဲတစ်ခု ကျင်းပ ပြုလုပ်မယ်လို့ ပြောပါတယ်။ အဆိုပါ အစီအစဉ်မှာ မြန်မာနိုင်ငံ အားကစားရေးရာ ဝန်ကြီးဌာန ပြည်ထောင်စုဝန်ကြီး ဦးတင့်ဆန်း၊ မြန်မာနိုင်ငံဆိုင်ရာ ဗြိတိသျှ သံအမတ်ကြီး Mr.Andrew Heyn၊ ဗြိတိန်နိုင်ငံ စွမ်းအင်ဝန်ကြီးနဲ့ UKTI ရဲ့ စီးပွားရေး သံတမန်အဖွဲ့ဥက္ကဌ Lord Marland တို့က အဖွင့်အမှာစကားများ ပြောကြားကြမှာ ဖြစ်ပြီး၊ ကျောင်းသားကျောင်းသူလေးများက ပန်းဘွားအကများနဲ့ ကပြဖျော်ဖြေခြင်း၊ ဒါ့အပြင် မသန်မစွမ်း ကလေးငယ်များရဲ့ ပြေးပွဲပြိုင်ပွဲများ၊ မြန်မာအနုပညာရှင်များနဲ့ ဗြိတိသျှသံရုံး၊ ဗြိတိန်နိုင်ငံ နိုင်ငံတကာ ဖွံ့ဖြိုးတိုးတက်ရေးဝန်ကြီးဌာနမှ ဝန်ထမ်းများ၊ မျက်မမြင်ကျောင်းမှ ကလေးများ၊ မြန်မာနိုင်ငံ မသန်စွမ်းသူများ အားကစား အဖွဲ့ချုပ်မှ အားကစားသမားများ စုံညီစွာ တက်ရောက်ကြမှာ ဖြစ်တယ်လို့ သိရပါတယ်။

အပြည့်အစုံသို့ »

Posted in: ပြည်တွင်းအားကစားသတင်း

ကျိုက္ကဆံ အားကစားကွင်းကို နိုင်ငံတကာ အဆင့်မီကွင်းကြီး ဖြစ်လာစေရန် ဂျပန်ကအခမဲ့ ကူညီမည်

မြန်မာနိုင်ငံမှ ကျိုက္ကဆံ လေ့ကျင့်ရေး အားကစားကွင်း ဝင်းကြီး တစ်ခုလုံးကို နိုင်ငံတကာ အဆင့်မီ အားကစားကွင်း မျိုးစုံ ပါဝင်သော အဆင့်မြင့် အားကစားစင်တာကြီး ဖြစ်အောင် အခမဲ့ လုပ်ဆောင်ပေးလိုကြောင်း  ဂျပန်ကုမ္ပဏီကြီး တစ်ခုက အားကစားဝန်ကြီးဌာနသို့ အဆိုပြုထားကြောင်း ၁၈-၇-၂၀၁၂ ရက်က သိရသည်။ ဂျပန်နိုင်ငံမှ ACT (Association for Communation and Transcultural Study) အဖွဲ့က ယင်းကဲ့သို့ အဆိုပြုခဲ့ခြင်း ဖြစ်ကာ အားကစားဝန်ကြီးဌာန အဆင့်၌် လုပ်ငန်း အကောင်အထည် ဖော်နိုင်ရန် ညှိနှိုင်း ဆွေးနွေးလျက် ရှိကြောင်း သိရသည်။ "Proposal ကတော့ ရောက်နေပါပြီ။ ဆွေးနွေးရပါဦးမယ်" ဟု ပြည်ထောင်စုဝန်ကြီး ဦးတင့်ဆန်း၏ ကိုယ်ရေးအရာရှိ တစ်ဦးက ပြောကြားသည်။ ၎င်းတို့၏ အဆိုပြုလွှာထဲတွင် မြန်မာနိုင်ငံမှ လူငယ် မျိုးဆက်သစ်များ အလားအလာအတွက် ကစားကွင်းကောင်းများ ရှိစေရေး ကဏ္ဍတွင် ဂျပန်ကုမ္ပဏီ အနေဖြင့် မည်သည့် အခကြေးငွေမျှ မယူဘဲ ကူညီ ဆောင်ရွက်ပေးလိုသည်ဟု ရေးသားထားသည်ကို တွေ့ရသည်။ "ATC က Proposal လုပ်ထားတာပဲ ရှိပါသေးတယ်။ ဘောလုံးကွင်းကြီး အပါအဝင် အားကစားနည်း အစုံ ပါဝင်အောင် လုပ်သွားဖို့ ရှိတယ်။ လုပ်မယ့် ဒီဇိုင်းအချောနဲ့ ကုန်ကျမယ့် ငွေကြေး အသေးစိတ် တွက်ချက်မှုတွေ ပြီးရင် ဒီနှစ်ကုန်လောက်မှပဲ စနိုင်မယ်လို့ ယူဆရပါတယ်" ဟု တာဝန်ရှိသူ တစ်ဦးက ပြောကြားသည်။

အပြည့်အစုံသို့ »

Posted in: ပြည်တွင်းအားကစားသတင်း

အမေရိကန် နိုင်ငံသားကို အလဲထိုးအနိုင်ရလိုက်တဲ့ မြန်မာပြည်သား ကချင်ပြည်နယ်ဖွား အောင်လအန်ဆိုင်း

အမေရိကန်ပြည်ထောင်စုမှာ အောက်တိုဘာလ ၁၃ ရက်နေ့က ဘက်စုံသုံး ကိုယ်ခံပညာပြိုင်ပွဲ  (Mixed Martial Artist-MMA) ကို ကျင်းပပြုလုပ်ရာမှာ မြန်မာနိုင်ငံက ကချင်လူမျိုးဖြစ်တဲ့ အောင်လအန်ဆိုင်း ဝင်ရောက် ယှဉ်ပြိုင်ခဲ့ရာမှာ အမေရိကန်နိုင်ငံသား ဂျက်ဆင်လော့ခ်ကို အလဲထိုးဖြင့် အနိုင်ရ ရှိခဲ့တယ်လို့ ပြောပါတယ်။ မြန်မာနိုင်ငံသား ကချင်ပြည်နယ်ဖွား အောင်လအန်ဆိုင်းဟာ အမေရိကန်ပြည်ထောင်စုမှာရှိတဲ့ မစ်ချီကန်စီးပွားရေး တက္ကသိုလ်နဲ့ မွေးမြူရေးသိပ္ပံဘွဲ့ ရရှိထားသူ တစ်ဦးဖြစ်ပြီး၊ သူဟာ Mixed Martial Arist ဆိုတဲ့ ဘက်စုံသုံး ကိုယ်ခံပညာကို ၂၀၀၄ ခုနှစ်ကတည်းက စတင် သင်ကြားခဲ့သူဖြစ်ပြီး၊ အမေရိကန်ပြည်ထောင်စုမှာ ပြုလုပ်ကျင်းပတဲ့ အဆိုပါ ပွဲများများကိုလည်း ဝင်ယှဉ်ပြိုင် ထိုးသတ်ခဲ့ရာမှာတော့ လက်ရှိအချိန်အထိ နိုင်ပွဲပေါင်း (၁၄) ပွဲနဲ့ ရှုံးပွဲ (၈) ပွဲရရှိပြီး ဖြစ် တယ်လို့လည်း ဆိုပါတယ်။ အောင်လအန်ဆိုင်းဟာ ယခုပြိုင်ပွဲက ရရှိတဲ့ ဆုကြေးငွေနဲ့ ငွေကြေးအားလုံးကို ကချင်ပြည်နယ်မှာရှိတဲ့ ဒုက္ခသည် တိုင်းရင်းသားများအတွက် လှူဒါန်းသွားမည် ဖြစ်ကြောင်းကိုလည်း အဆိုပါ ပွဲမယှဉ်ပြိုင်မီကတည်းက ပြောကြားထားခဲ့သူဖြစ်ပြီး စစ်ဘေးဒုက္ခ ရောက်နေကြတဲ့ ကချင် တိုင်းရင်းသားများကို စာနာမိကြောင်း အောင်လအန်ဆိုင်း က ပြောပါတယ်။ အမေရိကန်ပြည်ထောင်စု မှာ အောင်လအန်ဆိုင်းကို 'မြန်မာပြည်စပါးအုံး' (The Burmese Python) လို့ MMA လောကမှာ နာမည်ပြောင်နဲ့ ခေါ်ဆိုကြတယ်လို့ သိရပါတယ်။         

အပြည့်အစုံသို့ »

Posted in: ပြည်တွင်းအားကစားသတင်း

MFF Digicel Cup ကွာတားဖိုင်နယ်တွင် အသင်းကြီးများ ထိပ်တိုက်တွေ့ဆုံနေ

MFF Digicel Cup 2012 ကွာတားဖိုင်နယ် ပွဲစဉ်များ မဲခွဲမှုကို ယမန်နေ့ နေ့လည် က မြန်မာနိုင်ငံ ဘောလုံး အဖွဲ့ချုပ်တွင် ကျင်းပခဲ့ရာ ကွာတားဖိုင် နယ်တွင် မြန်မာနေရှင်နယ်လိဂ် အသင်းကြီးများ အချင်းချင်း ထိပ်တိုက် တွေ့ဆုံသည့် ပွဲစဉ်များ ပါဝင်လာကြောင်း တွေ့ရသည်။ လက်ရှိ ချန်ပီယံ ရန်ကုန် ယူနိုက်တက် အသင်းသည် ကွာတား ဖိုင်နယ်တွင် ဇေယျာရွှေမြေနှင့် အိမ်ကွင်း YUSC ၌ ရင်ဆိုင်ရမည် ဖြစ်သည်။ ရတနာပုံ အသင်းမှာမူ နှစ်ပွဲဆက် အိမ်ကွင်း ကစားခွင့် ရရှိခဲ့ပြီး ဧရာဝတီ အသင်းနှင့် ပွဲကျပ် ရင်ဆိုင် ရမည် ဖြစ်သည်။ ကွာတား ဖိုင်နယ်သို့ အစောဆုံး တက်ရောက်နိုင်ခဲ့သည့် နေပြည်တော် အသင်းသည်လည်း အိမ်ကွင်း၌ပင် ချန်ပီယံဟောင်း ဟံသာဝတီကို ဧည့်ခံရမည် ဖြစ်သည်။ ထို့အတူ ကမ္ဘောဇ အသင်းသည်လည်း အိမ်ကွင်း၌ပင် ရခိုင် ယူနိုက်တက်နှင့် တွေ့ဆုံရမည် ဖြစ်သည်။ ကွာတားဖိုင်နယ် ပွဲစဉ်များတွင် ရန်ကုန်- ဇေယျာရွှေမြေ၊ ရတနာပုံ-ဧရာဝတီ၊ ပွဲစဉ်များမှာ ပရိသတ် စိတ်ဝင်စားမည့် ပွဲကောင်းများ ဖြစ်လာနိုင်ပြီး အဆိုပါ အသင်းများ အနေဖြင့်လည်း ဆီးမီး ဖိုင်နယ်သို့ တက်ရောက်နို င်ရေး အတွက် အစွမ်းကုန် ကြိုးစားကြရဖွယ် ရှိနေသည်။ ဇေယျာရွှေမြေကို အိမ်ကွင်းဖြစ်သည့် မြက်ခင်းတု ကွင်းတွင် လက်ခံကစားခွင့် ရရှိခဲ့သည့် ရန်ကုန် ယူနိုက်တက် အသင်း၏ တာဝန်ရှိသူ တစ်ဦးက အိမ်ကွင်း လက်ခံကစားခွင့် ရရှိခဲ့ခြင်းမှာ ရန်ကုန်ယူနိုက်တက် အတွက် အားသာချက် တစ်ရပ် ဖြစ်စေခဲ့ကြောင်း ဖွင့်ဟခဲ့သည်။ ရတနာပုံ အသင်း အုပ်ချုပ်သူ ဦးအောင်ထွန်းဦးကမူ ဧရာဝတီနှင့် ကွာတားဖိုင်နယ် ပွဲစဉ်ကို အိမ်ကွင်းတွင် လက်ခံခွင့် ရရှိခဲ့သော်လည်း လက်ရှိ ကစားသမား အင်အားကြောင့် စိုးရိမ်မိကြောင်း ဆိုခဲ့သည်။ ဦးအောင်ထွန်းဦးက ရန်ပိုင်နှင့် ကိုနေးတို့ မရှိသည့် တိုက်စစ်ပိုင်းကြောင့် ဧရာဝတီနှင့် ပွဲတွင် အခက်တွေ့မည်ကို စိုးရိမ်မိကြောင်း ဖွင့်ဟခဲ့ခြင်း ဖြစ်သည်။ ကစားသမား အင်အားတောင့်တင်း လှသည့် ကမ္ဘောဇ အသင်းကို တောင်ကြီးမြို့တွင် သွားရောက် ရင်ဆိုင်ရမည့် ရခိုင် ယူနိုက်တက် အသင်း၏ နည်းစနစ် အကြံပေး ဦးအောင်နိုင်ကမူ မိမိတို့ အသင်းအတွက် အလွန် ခက်ခဲသည့် ပွဲစဉ်ဖြစ်ကြောင်း၊ သို့သော် အကောင်းဆုံး ရင်ဆိုင်သွားမည် ဖြစ်ပြီး ဆီမီး တက်နိုင်ရန်ကိုလည်း မျှော်လင့် ထားကြောင်း ဆက်လက်ဖွင့်ဟ သွားခဲ့သည်။ MFF Digicel Cup 2012 ပွဲစဉ်များကို ပြည်တွင်းရုပ်သံလိုင်း တစ်ခုဖြစ်သည့် Sky Net မှ တိုက်ရိုက် ထုတ်လွှင့်ပြသလျှက် ရှိရာ ကွာတားဖိုင်နယ် ပွဲစဉ်(၄)ပွဲ စလုံးကို ထုတ်လွှင့်ပြသ သွားမည်ဖြစ်ကြောင်း သိရသည်။ ကွာတား ဖိုင်နယ်ပွဲများ အပြင် ဆီမီးဖိုင်နယ်နှင့် ဖိုင်နယ်ပွဲများကိုပါ တိုက်ရိုက် ထုတ်လွှင့် သွားမည် ဖြစ်ကြောင်း သိရသည်။

အပြည့်အစုံသို့ »

Posted in: ပြည်တွင်းအားကစားသတင်း

မြန်မာနိုင်ငံတွင် ပထမဆုံးပုဂ္ဂလိက ဘောလုံးသင်တန်းကျောင်း ဖွင့်လှစ်မည်

မြန်မာနိုင်ငံမှ လူငယ်ဘောလုံး ဝါသနာရှင် ရွက်ပုန်းသီး ဘောလုံး သမားများ ပရော်ဖက်ရှင် နယ် ဘောလုံးသမား တစ်ယောက် ဖြစ်စေရန် အတွက် ရည်ရွယ်၍ မြန်မာ နိုင်ငံ၌ ပထမ ဦးဆုံး ဘောလုံး သင်တန်းကျောင်းကို ရန်ကုန်မြို့ ဒဂုံမြို့သစ် ဆိပ်ကမ်းမြို့နယ် အမှတ် ၃၃၈၃ စစ်တောင်းလမ်း (၆၁)ရပ်ကွက် တိုင်းရင်းသား ကျေးရွာ အလွန်ရှိ Super Professional Football Training Centre ဘောလုးံ ကစားကွင်း၌ လာမည့် နိုဝင်ဘာ ၁၈ ရက်တွင် စတင် ဖွင့်လှစ်မည် ဖြစ် သည်။ ဝါသနာရှင်တွင် ပါရမီရှင် လူငယ် ဘောလုံးသမားများ အနေဖြင့် မြန် မာ နေရှင်နယ်လိဂ် အသင်းများသို့ ပရော် ဖက်ရှင်နယ် ဘောလုံး ကစားသမားများ အဖြစ် ဝင်ရောက် လိုသော်လည်း မိမိခြေစွမ်း ခြေစများကို ပြသခွင့် မရဘဲ ကလပ်အသင်းများနှင့် အဆက်အသွယ် အချိတ်အဆက် မရှိ ဖြစ်နေသည်။ ဤသင်တန်းရှိ ဖရော်ဖက် ရှင်နယ် နိုင်ငံခြား နည်းပြ ဆရာများက သင်တန်းသား ဘောလုံးသမား၏ ခြေစွမ်း ခြေစ လိုအပ်ချက်များကို စနစ်တကျ သင်ကြား လေ့ကျင့် ပေးကာ ဖရော်ဖက် ရှင်နယ် ဘောလုံး သမား တစ်ယောက် ဖြစ်လာစေ ရန် ဆောင်ရွက် ပေးသွားမည် ဖြစ်သည်။ ထို့ပြင် ဘောလုံးကလပ် အသင်းများသို့ ဆက်သွယ် ပြသပေးကာ ယင်းကလပ် အသင်းများမှ နှစ်သက်သော ဘောလုံး သမားများအား ရွေးချယ် နိုင်ရေး စီစဉ် ဆောင်ရွက် ပေးမည် ဖြစ်ပြီး သင်တန်းတွင် ခေတ်အဆက် ဆက် မြန်မာ့ လက်ရွေးစင် ဘောလုံး သမား ဟောင်းများနှင့် အတူ အပတ်စဉ် ပူးတွဲ သရုပ်ပြ ကစားရင်း လေ့ကျင့် သင်ကြားပေး သွားမည် ဖြစ်ကြောင်း သိရသည်။ သင်တန်း တက်လိုသူများ အနေဖြင့် ရန်ကုန်မြို့ ဗိုလ်တထောင် ဘုရားလမ်း အမှတ် (၂၁၁) မြေညီထပ်၊ ဖုန်း-ဝ၉-၄ဝ၂၇ဝ၄ဝ၁၅ သို့ ဆက်သွယ် နိုင်ကြောင်း သိရသည်။

အပြည့်အစုံသို့ »

Posted in: ပြည်တွင်းအားကစားသတင်း

ယူ-၁၉ ခြေစစ်ပွဲအောင်မြင်သွားသော မြန်မာအမျိုးသမီးအသင်း

မြန်မာ အမျိုးသမီး ယူ-၁၉ အသင်းသည် ဖိလစ်ပိုင် နိုင်ငံတွင် ကျင်းပပြုလုပ် နေသည့် အာရှယူ-၁၉ ချန်ပီယံ ရှစ် ခြေစစ်ပွဲစဉ် များတွင် အုပ်စုပွဲစဉ် အားလုံး အနိုင် ရရှိပြီး အုပ်စု ပထမ နေရာဖြင့် ခြေစစ်ပွဲ အောင်မြင် သွားခဲ့ သည်။ မြန်မာအသင်းသည် ယမန်နေ့ အုပ်စု နောက်ဆုံး ပွဲစဉ်တွင် ဟောင်ကောင် အသင်းကို (၈-၀)ဂိုးဖြင့် အနိုင် ရရှိကာ (၃) ပွဲ ကစား (၃)ပွဲနိုင်၊ ရမှတ် (၉) မှတ်ဖြင့် အုပ်စု ပထမ နေရ ရရှိခဲ့ခြင်း ဖြစ်သည်။ မြန်မာ အမျိုးသမီး ယူ-၁၉ အသင်းသည် အဖွင့် ပွဲစဉ်တွင် တရုတ်(တိုင်ပေ)ကို (၃-၁)ဂိုး၊ အိမ်ရှင် ဖိလစ်ပိုင်ကို (၄-၀)ဂိုး၊ ဟောင်ကောင်ကို (၈-၀)ဂိုး တို့ဖြင့် ပွဲစဉ်တိုင်း အနိုင် ရရှိခဲ့ခြင်း ဖြစ်သည်။ ခြေစစ်ပွဲ အောင်မြင် သွားသော မြန်မာအမျိုးသမီး အသင်း အနေဖြင့် လာမည့် ဒီဇင်ဘာ (၁) ရက်နေ့မှ (၉)ရက် နေ့အထိ ဗီယက် နမ် နိုင်ငံတွင် ကျင်းပမည့် ဒုတိယအဆင့် ပွဲစဉ်များသို့ တက်ရောက် ကစားခွင့် ရရှိမည်ဖြစ် သည်။ ဒုတိယ အဆင့် ခြေစစ်ပွဲစဉ်များကို ထိုင်း အသင်း ပါဝင်သော အုပ်စုနှင့် ဗီယက်နမ် အသင်း ပါဝင်သော အုပ်စု(၂)ခု ခွဲဝေထားပြီး မြန်မာ အသင်း အနေဖြင့် ယင်းအဆင့်ကို ထပ် မံ ဖြတ်ကျော် ပြီးပါက ဂျပန်၊ တောင်ကို ရီးယား၊ တရုတ် စသည့် ထိပ်တန်း အသင်းများနှင့် အတူ လာမည့် အုပ်စုအဆင့် နောက်ဆုံး ပွဲစဉ် များကို လာမည့် ၂၀၁၃ ခုနှစ် အတွင်း ယှဉ်ပြိုင် ကစား ရမည် ဖြစ်သည်။

အပြည့်အစုံသို့ »

Posted in: ပြည်တွင်းအားကစားသတင်း

ပါကစ္စတန်နိုင်ငံ မုတ်သုံရေကြီးမှု လူ ၄၅၅ ဦး သေဆုံးခဲ့ပြီး ၅ သန်း ရေဘေးဒုက္ခခံစားခဲ့ရ

ပါကစ္စတန် နိုင်ငံတွင် ပြီးခဲ့သော ရက်သတ္တပတ် ၅ ပတ်အတွင်း မုတ်သုံရေ ကြီးမှုကြောင့် လူ ၄၅၅ ဦး သေဆုံးခဲ့ပြီး ၅ သန်းထက်မနည်း ရေဘေးဒုက္ခ ခံစား ခဲ့ရကြောင်း အစိုးရ၏ ဘေးအန္တရာယ် ကယ်ဆယ်ရေး ဌာနမှ နောက်ဆုံး ထုတ်ပြန်ခဲ့သော ကိန်းဂဏန်း များအရ သိရှိ ရပါသည်။ ပြီးခဲ့သော ၂ နှစ်အတွင်း ရေကြီးမှု အန္တရာယ်ကို ဆိုးရွားစွာ ခံစား ခဲ့ရပြီး ၂ဝ၁ဝ ပြည့်နှစ်တွင် ဖြစ်ပွား ခဲ့သော နိုင်ငံဖြတ်ကျော် ရေကြီးမှုကြောင့် လူ ၁,၈ဝဝ ဦး သေဆုံးခဲ့ပြီး လူဦးရေ ၂၁ သန်း ရေဘေးဒုက္ခ ခံစား ခဲ့ရမှုသည် နိုင်ငံ သမိုင်းတွင် အဆိုးရွားဆုံး ဖြစ်ကြောင်း သိရှိ ရပါသည်။ ၎င်းကာလ အတွင်း ဆင်းပြည်နယ်တွင် နောက်ဆုံး ရေကြီးမှု ဖြစ်ပွားခဲ့ရာ လူဦးရေ ၃ သန်းခန့် ရေဘေးဒုက္ခ ခံစား ခဲ့ရပြီး ပန်ဂျပ် ပြည်နယ်တွင် ၈၉ဝ,ဝဝဝ ဦးခန့်နှင့် ဘလူချီစတန် ပြည်နယ်တွင် လူဦးရေ ၁ သန်း နီးပါးခန့် ရေဘေးဒုက္ခ ခံစား ခဲ့ရကြောင်း အမျိုးသားရေး ဆိုင်ရာ ဘေးအန္တရာယ် စီမံ ခန့်ခွဲမှု အဖွဲ့မှ ပြောကြား ခဲ့ပါသည်။

အပြည့်အစုံသို့ »

Posted in: ပြည်ပနိုင်ငံရေးသတင်း

ဘရာဇီးလ်နှင့် FAO ၏ ဒေါ်လာသန်း ၂ဝ တန်ဖိုးရှိ သဘောတူညီချက်

ဘရာဇီးလ် နိုင်ငံ အနေဖြင့် ကုလ သမဂ္ဂ စားနပ် ရိက္ခာနှင့် စိုက်ပျိုးရေး အဖွဲ့ (Food and Agriculture Organisation- FAO) နှင့် အမေရိကန် ဒေါ်လာ သန်း ၂ဝ တန်ဖိုးရှိ သဘော တူညီချက် တစ်ခု အား အောက်တိုဘာလ ၁၇ ရက်နေ့တွင် လက်မှတ် ရေးထိုးခဲ့ပြီး ၎င်းသဘော တူညီချက်သည် ဘရာဇီးလ် နိုင်ငံရှိ ချည်မျှင် ထုတ်လုပ်ရေး ပညာရှင် များအား ဖွံ့ဖြိုးဆဲ နိုင်ငံများသို့ သွားရောက်ရန် အတွက် အထောက်အကူ ပြုမည် ဖြစ်ပါသည်။ ၎င်းစီမံကိန်းအား ဟေတီ နိုင်ငံနှင့် တောင် အမေရိက နိုင်ငံ များ၌ အဓိကထား ဆောင်ရွက် သွားမည်ဖြစ်ပြီး နောက် ပိုင်းတွင် လက်တင် အမေရိက၊ သို့မဟုတ် အာဖရိက နိုင်ငံများသို့ တိုးချဲ့ဆောင်ရွက် သွားမည် ဖြစ်ပါသည်။ ၎င်းစီမံ ကိန်း၏ ရည်ရွယ်ချက်မှာ အဖွဲ့ဝင် နိုင်ငံများသို့ ဝါစိုက်ပျိုးခြင်း ဆိုင်ရာ သင်ကြားပေးမှု များနှင့် နည်းပညာ ဆိုင်ရာ အထောက် အကူများ ပေးရန် ဖြစ်ကြောင်း သိရှိ ရပါသည်။

အပြည့်အစုံသို့ »

Posted in: ပြည်ပစီးပွါးရေးသတင်း

ရုရှား Pantsyr တာတိုပစ်ဒုံးပျံများ စမ်းသပ်ပစ်ခတ်

ရုရှားတပ်ဖွဲ့များ အနေဖြင့် ခရုဇ် ဒုံးပျံများအား ကြားဖြတ် တိုက်ခိုက်သည့် Pantsyr တာ တိုပစ် လေကြောင်းရန် ကာကွယ်ရေး စနစ်အား ရုရှားနိုင်ငံ မြောက်ပိုင်း၌ ကျည်စစ် ကျည်မှန်များဖြင့် စမ်းသပ် ပစ်ခတ်ခဲ့ကြောင်း ရုရှား ကာကွယ်ရေး ဝန်ကြီး ဌာနမှ အောက်တိုဘာလ ၁၇ ရက်နေ့တွင် ထုတ်ပြန်ပြောကြား ခဲ့ပါသည်။ သတ်မှတ် ထားသည့် အကွာ အဝေးမှ ပစ်ခတ်လိုက်သော ခရုဇ်ဒုံးပျံ အစစ်အမှန် များအား ပထမဆုံး အကြိမ် Pantsyr တာတိုပစ် ဒုံးကျည်များဖြင့် စမ်းသပ် ပစ်ခတ်ခဲ့ခြင်း ဖြစ်ကြောင်း ရုရှား ကာကွယ်ရေး ဝန်ကြီးဌာန သတင်း အရင်းအမြစ် တစ်ခုက ပြောကြား ခဲ့ပါသည်။ အဆိုပါ လေကြောင်းရန် ကာကွယ်ရေး စနစ်အား ယခင်က ပစ်မှတ် အတုအယောင် များဖြင့်သာ စမ်းသပ် ပစ်ခတ်ခဲ့ခြင်း ဖြစ်ပါသည်။ ခရုဇ် ဒုံးပျံများသည် သေးငယ်၍ အလွန် လျင်မြန်ပြီး ရေဒါ ဖမ်းယူနိုင်မှု နည်းပါးသည့် အတွက် ခက်ခဲသော ပစ်မှတ် တစ်ခုပင် ဖြစ်ကြောင်း သိရှိ ရပါသည်။

အပြည့်အစုံသို့ »

Posted in: ပြည်ပစစ်ရေးသတင်း

အာဖဂန် နစ္စတန် နိုင်ငံ၏ အနာဂတ်ကို NATO အဖွဲ့က တာဝန်ယူဆောင်ရွက်သွားမည်ဟု မျှော်လင့်ကြောင်း ရုရှား နိုင်ငံက ပြောကြားခြင်း

အာဖဂန် နစ္စတန် နိုင်ငံမှ NATO တပ်ဖွဲ့များ ရုပ်သိမ်းသွားပြီး နောက်ပိုင်း အာဖဂန် နစ္စတန် နိုင်ငံ အတွင်းရှိ ကိစ္စရပ် များကို တာဝန်ယူ ဖြည့်ဆည်း ဆောင်ရွက် သွားရန် ရုရှား နိုင်ငံက NATO တပ်ဖွဲ့ကို တောင်းဆိုခဲ့ သည်ဟု ရုရှား ဒုတိယ ဝန်ကြီးချုပ် ဒီမီထရီ ရိုဂိုဇင်က အောက်တို ဘာလ ၁၈ ရက် နေ့တွင် ပြောကြားခဲ့ ပါသည်။ NATO တပ်ဖွဲ့ အနေဖြင့် အာဖဂန် နစ္စတန် နိုင်ငံတွင် ရှိနေချိန်တွင် သာမက အဆိုပါ နိုင်ငံမှ တပ်ဖွဲ့များ ရုပ်သိမ်း သွားပြီး နောက်ပိုင်း တွင်လည်း ၎င်း၏ တာဝန် ဝတ္တရားများကို အလုံးစုံ ဖြည့်ဆည်း သွားရေး ရုရှား နိုင်ငံက တောင်းဆို သွားမည် ဖြစ်ကြောင်း ရိုဂိုဇင်က အလည်အပတ် ရောက်ရှိ နေသော NATO လွှတ်တော် ကိုယ်စားလှယ် အဖွဲ့ကို ပြောကြားခဲ့ ပါသည်။ အာဖဂန်တွင် စစ်ရေး ရည်မှန်း ချက်များ အကောင် အထည်ဖော် ဆောင်ရွက်သည့် ပုံစံမှ အာဖဂန် ပြည်သူများ အတွက် ကောင်းမွန်သော ဘဝနှင့် ငြိမ်းချမ်းရေး အတွက် အခြေခံ အုတ်မြစ်များ ကို ချမှတ် ပေးသည့် ပုံစံသို့ ပြောင်းလဲ ပုံဖော်သွားရန် ရိုဂိုဇင်က NATO တပ်ဖွဲ့ကို တောင်းဆိုခဲ့ ပါသည်။ ထို့အပြင် ရုရှားနိုင်ငံ အနေဖြင့် အလယ် အာရှ ဒေသတွင် အကျိုးစီးပွား များစွာ ရှိနေသည့် အတွက်ကြောင့် အာဖဂန် နစ္စတန်နှင့် ပတ်သက်၍ NATO တပ်ဖွဲ့နှင့် ဆက်လက် ပူးပေါင်း ဆောင် ရွက် သွားမည် ဖြစ်ကြောင်းနှင့် အာဖဂန် နစ္စတန် လုံခြုံရေးသည် မိမိတို့၏ နယ်စပ် ဒေသများ လုံခြုံရေးနှင့် ဆက်စပ်မှု ရှိနေကြောင်း ၎င်းက ထပ်လောင်း ပြော ကြားခဲ့ ပါသည်။

အပြည့်အစုံသို့ »

Posted in: ပြည်ပစစ်ရေးသတင်း

ကက်ရ်ှမီးယား ဒေသရှိ နယ်စပ်ထိန်းချုပ်ရေး မျဉ်းအနီးတွင် အိန္ဒိယနှင့် ပါကစ္စတန်တပ်ဖွဲ့များ အပြန်အလှန်ပစ်ခတ်မှု ဖြစ်ပွားခဲ့ခြင်း

အိန္ဒိယနှင့် ပါကစ္စတန် တပ်ဖွဲ့များသည် အိန္ဒိယမှ ထိန်းချုပ်ထားသော ကက်ရ်ှမီးယား ဒေသ အတွင်းရှိ နယ်စပ် ထိန်းချုပ်ရေး မျဉ်းတွင် အပြန်အလှန် ပစ်ခတ်မှုများ ဖြစ်ပေါ်ခဲ့ကြောင်း အိန္ဒိယ အရာရှိ များက အောက်တိုဘာလ ၁၈ ရက်နေ့တွင် ပြောကြား ခဲ့ပါသည်။ ဆရီနာ ဂါမြို့၏ အနောက် တောင်ဘက် ၁၈၅ ကီလိုမီတာအကွာ ပွန့်ရ်ှခရိုင်၊ Goutrian နှင့် Mankote-Mendhar ဒေသရှိ နယ်စပ် ထိန်းချုပ်ရေး မျဉ်းတစ် လျှောက်တွင် အောက်တိုဘာလ ၁၇ ရက်နေ့ ညနေပိုင်း၌ အပြန်အလှန် ပစ်ခတ်မှုများ ဖြစ်ပွား ခဲ့ကြောင်း သိရှိရ ပါသည်။ အောက်တို ဘာလ ၁၇ ရက်နေ့ ညနေပိုင်းတွင် အပြန်အလှန် ပစ်ခတ်မှုများ စတင်ခဲ့ပြီး သန်းခေါင်ယံ အချိန်အထိ ပစ်ခတ်မှုများ ဖြစ်ပေါ် ခဲ့ကြောင်း၊ ပါကစ္စတန် တပ်ဖွဲ့ဝင်များမှ အိန္ဒိယ စခန်းများအား လက်နက်ငယ် များဖြင့် ပစ်ခတ်ခဲ့ကြောင်း ဂျမူးဒေသရှိ အိန္ဒိယ စစ်ဘက်၏ ပြောခွင့်ရ ဗိုလ်မှူးကြီး အာကေပါတာက ပြောကြားခဲ့ပါသည်။ Goutrian ဒေသ၌ ပစ်ခတ်မှုများ စတင်ဖြစ်ပေါ် ခဲ့ပြီးနောက် Mendhar ဒေသသို့ ဆက်လက် ကူးစက်ခဲ့ ကြောင်းနှင့် အိန္ဒိယ စစ်ဘက် ကလည်း ပြန်လည် ပစ်ခတ် မှုများ ပြုလုပ်ခဲ့ကြောင်း သိရှိရ ပါသည်။ သို့သော် ၎င်းဖြစ်စဉ်နှင့် ပတ်သက်၍ ထိခိုက် သေဆုံး မှုအား ထုတ်ပြန်ခြင်း မရှိသေး ကြောင်း သိရှိရ ပါသည်။ အောက်တိုဘာလ ၁၆ ရက်နေ့တွင် ဆရီနာဂါမြို့ အနောက် မြောက်ဘက် ၁၁ဝ ကီလိုမီတာ အကွာ ဘာရာ မြူလာခရိုင် ယူရီနယ် အတွင်းရှိ နယ်စပ် ထိန်းချုပ်ရေး မျဉ်းအနီးမှ ရွာတစ်ရွာ အား ပါကစ္စတန် တပ်ဖွဲ့မှ စိန်ပြောင်းများဖြင့် ပစ်ခတ်ခဲ့ မှုကြောင့် ရွာသား ၃ ဦး သေဆုံးခဲ့ရ ကြောင်း အိန္ဒိယစစ်တပ်မှ ပြောကြား ခဲ့ပါသည်။  ဟိမဝန္တာ ပြည်နယ် ဝန်ကြီးချုပ် အိုမာအက် ဒူလာသည် အောက်တို ဘာလ ၁၇ ရက်နေ့က အိန္ဒိယနှင့် ပါကစ္စတန် တပ်ဖွဲ့ ၂ ခုလုံးအား နယ်စပ် ထိန်းချုပ်ရေး မျဉ်းတစ်လျှောက် အပစ်အခတ် ရပ်စဲပေးရန် တောင်းဆိုခဲ့ကြောင်း သိရှိ ရပါ သည်။ ၂ဝဝ၃ ခုနှစ်က အိန္ဒိယနှင့် ပါကစ္စတန် တို့သည် ကက်ရ်ှမီး ယား ဒေသရှိ နယ်စပ် ထိန်းချုပ်ရေး မျဉ်း တစ်လျှောက်တွင် အပစ်အခတ် ရပ်စဲရန် သဘော တူညီခဲ့ကြ သော် လည်း နှစ်ဖက် စလုံးမှ ၎င်းသဘော တူညီချက်အား ချိုးဖောက်မှုများ ရှိခဲ့ကြကြောင်း သိရှိရပါသည်။ အိန္ဒိယနှင့် ပါကစ္စတန် နိုင်ငံ တို့သည် ဟိမဝန္တာ ပြည်နယ် ကက်ရ်ှမီး ယား ဒေသ ပိုင်ဆိုင်မှု အပေါ် အငြင်း ပွား နေကြခြင်း ဖြစ်ပါသည်။ ဗြိတိသျှထံမှ လွတ်လပ်ရေး ရပြီးနောက် နှစ်နိုင်ငံ အကြား စစ်ပွဲ ၃ ကြိမ် ဖြစ်ပွားခဲ့ရာ ၂ ကြိမ်မှာ ကက်ရ်ှမီးယား ပြဿ နာကြောင့် ဖြစ်ပွားခဲ့ရခြင်း ဖြစ်ကြောင်း သိရှိရ ပါသည်။

အပြည့်အစုံသို့ »

Posted in: ပြည်ပစစ်ရေးသတင်း

ဘောလီးဝုဒ်အထိ ထိုးဖောက်ရောက်ရှိ သွားသည့် Gangnam Style

ဂင်းနစ် မှတ်တမ်းတွင် ကမ္ဘာ့ လူကြိုက် အများဆုံး ဗီဒီယို အဖြစ် မှတ်တမ်းတင် ခံရသည့် တောင် ကိုရီးယား အဆိုတော် Psy ၏ Gangnam Style (ဂမ်းနမ်စတိုင်) တေးသီချင်းသည် ဘောလီးဝုဒ် ရုပ်ရှင် လောကကိုပါ ထိုးဖောက် လာခဲ့ပြီဟု သိရသည်။ ဘောလီးဝုဒ် မင်းသားကြီး အမီတာဘချမ်း၊ ရှာရွတ်ခန်းနှင့် ကာထရီနာ ကိုင်ဖ်တို့သည်လည်း KBC ရုပ်သံတွင် ဂမ်းနမ် စတိုင် ကကွက်များဖြင့် ကပြ ဖျော်ဖြေ ခဲ့ကြကြောင်း သိရသည်။ ဘောလီးဝုဒ် အကျော်အမော် အဆိုပါ အနုပညာရှင် သုံးဦးသည် မကြာမီ ထုတ်လွှင့်ပြသမည့် ၎င်းတို့ ပါဝင်သော "Jab Tak Hai Jaan" ရုပ်ရှင် အရောင်း မြှင့်တင်ရန် အတွက် တောင်ကိုရီးယား နိုင်ငံ၏ KBC ရုပ်သံတွင် တွေ့ဆုံ မေးမြန်းခန်း ပြုလုပ်ပြီး ဂမ်းနမ် စတိုင်ကကွက် များကို ကမ္ဘာ တစ်ဝှမ်းမှ ပရိသတ်များ အံ့သြစေရန် ကပြခဲ့ကြခြင်း ဖြစ်သည်။ ဂမ်းနမ် စတိုင်ကို အလွန်နှစ်သက် ကြောင်းပြသသည့် အနေဖြင့် မင်းသားကြီး အမီတာ ဘချမ်းက KBC ရုပ်သံတွင် ကခဲ့သော ပုံများအား သူ၏ ဖေ့ဘွတ်ခ် ဝက်ဘ်ဆိုက်တွင် ဖော်ပြ ခဲ့သည်။ ဂမ်းနမ် စတိုင်သည် You tube ဝက်ဘ်ဆိုက် တွင်လည်း နှစ်သက် ထောက်ခံသူ ၂၁၄၁၇၅၈ ဦးဖြင့် You tube ဝက်ဘ်ဆိုက် သမိုင်း၌ လူကြိုက် အများဆုံး အဖြစ်   မှတ်တမ်းတင် ခံခဲ့ရကြောင်း သိရသည်။

အပြည့်အစုံသို့ »

Posted in: ပြည်ပအနုပညာသတင်း

ချစ်မေတ္တာ အတွက် ကံကောင်းသူတစ်ယောက် ဖြစ်ချင်သည့် တေလာဆွစ်ဖ်

ချစ်မေတ္တာရေးတွင် ကြာရှည် ခိုင်မြဲမှု မရှိခြင်း အတွက် စိုးရိမ်ပူပန် လျက်ရှိကြောင်း ကန်ထရီး အဆိုတော် တေလာ ဆွစ်ဖ်က ထုတ်ဖော်ပြောကြား ထားသည်။ အသည်းကွဲ ဝေဒနာကို ကုစားရန် ခံစားချက် များကို သီချင်းအဖြစ် အသက်သွင်း တတ်သူ တေလာသည် ဂျွန်မေယာ၊ ဂျိတ်ဂေး လန် ဟောလ်၊ ဂျိုးဂျိုးနက်စ် တုိ့နှင့်  ချစ်ကြိုက် ခဲ့ဖူးသူ ဖြစ်သည်။ အသက် ၂၂ အရွယ် အသည်းကွဲ အဆိုတော် မလေး တေလာသည် ယခုအခါ ချစ်ခြင်း မေတ္တာ အပေါ် ယုံကြည်လိုက်၊ မယုံကြည်လိုက် ဖြစ်နေပြီး သူမ၏ အတွေး ထဲတွင်အစဉ်ဒွိဟ ဖြစ်နေကြောင်း၊ တစ်စုံ တစ်ယောက်နှင့် ချစ်ကြိုက်ပါက  ချစ်သူ သက်တမ်းသည် တိုလွန်း သောကြောင့် သူမအတွက် အချစ်စစ် ရရှိရန်မှာ စိုးရိမ်စရာ ပင်ဖြစ်ကြောင်း ပြောကြား ထားသည်။ တေလာသည် ၁၉ နှစ် အရွယ် လူငယ်လေး တစ်ဦးနှင့် ချစ်ကြိုက် နေကြောင်း၊ လက်ရှိတွင် သတင်းများ ထွက်ပေါ်နေပြီး သူမ လတ် တလော ပိုင်ဆိုင်ထားသော ချစ်မေတ္တာသည် တစ်နေ့နေ့ တစ်ချိန်ချိန်တွင် အိပ်မက်အဖြစ် ပြီးဆုံး သွားမည်ကို စိုးရိမ် မိကြောင်း၊ ယုံကြည် မှုနှင့် ယုံကြည်မှု မရှိခြင်း ထိုအရာ နှစ်ခုကြားတွင် သူမသည် ဘယ်ဘက် ကိုမှ အလေးမ သာခဲ့ကြောင်း၊ လူတစ်ယောက်၏ စိတ်ကို အချိန် အတော် ကြာအောင် ဖမ်းစား ထားနိုင်ရန် ကြိုးပမ်း သွားမည် ဖြစ်သော်လည်း ကံမကောင်း တတ်သည့် မိမိ၏ မေတ္တာ ရေးအတွက် အလွန် ပူပန် မိကြောင်း တေလာက သူမ၏ ခံစားချက် များကို ရင်ဖွင့် ပြောကြားခဲ့ သည်ဟုသိ ရသည်။

အပြည့်အစုံသို့ »

Posted in: ပြည်ပအနုပညာသတင်း

ဂျက်စတင်နှင့်ဂျက်ဆီကာ အီတလီတွင် လျှို့ဝှက်လက်ထပ်

 
ဂျက်စတင်တင်းဘားလိတ်ခ်နှင့် ဂျက်ဆီကာဘေးလ် တို့သည် ယခင်ကတည်းက သတင်းများ ထွက်ပေါ်နေသည့်အတိုင်း အတည်ပြု လက်ထပ်ခဲ့ပြီ ဖြစ်သည်။ ဟောလီးဝုဒ်၏ နာမည်ကျော် စာရင်းဝင် စုံတွဲသည် စေ့စပ်ပြီး ကာလအတန်ကြာသည်အထိ လက်ထပ်ပွဲ အစီအစဉ်ကို မကြေညာခဲ့ဘဲ သောကြာနေ့ကမှ မိမိတို့နှစ်ဦး ထိမ်းမြားခဲ့ပြီးဖြစ်ကြောင်း ထုတ်ဖော် ပြောကြားလာခြင်းဟု သိရသည်။ အီတလီ တောင်ပိုင်းတွင် လက်ထပ်ပွဲ ကျင်းပခဲ့ကြောင်း ဂျက်ဆီကာနှင့် ဂျက်စတင်တို့က People မဂ္ဂဇင်းသို့ ဖွင့်ဟ ပြောကြားခဲ့သည်။ ထိုလက်ထပ်ပွဲကို လျှို့ဝှက်ထားခဲ့ပြီး ရင်းနှီးသော မိတ်ဆွေများနှင့် မိသားစုဝင်များကိုသာ ဖိတ်ကြားခဲ့ကြောင်းလည်း ဆိုသည်။ ထိုပွဲတွင် နာမည်ကျော် အနုပညာရှင် နှစ်ဦး၏ Celebrity အပေါင်းအသင်းအချို့ တက်ရောက်နိုင်ခဲ့ခြင်း မရှိသော်လည်း ဂျက်စတင်၏ ယခင် အမျိုးသား အဆိုတော်အဖွဲ့ N Sync မှ အဖွဲ့ဝင်ဟောင်း နှစ်ဦး လာရောက်ခဲ့ကြောင်းမူ သိရှိရသည်။ ဂျိုယေးဖာတွန်သည် ထိုပွဲသို့ သေချာပေါက် တက်ရောက်ခဲ့ပြီး ကျန်တစ်ဦးကိုမူ အမျိုးမျိုး ခန့်မှန်းချက် ပေးနေကြသည်။ လန့်စ်ဘေ့စ်က ထိုပွဲသို့ မိမိ မတက်ရောက်ဖြစ်ခဲ့ကြောင်း Twitter တွင် အတည်ပြု ရေးသားခဲ့သည်။ ဘေ့စ်သည် ပြီးခဲ့သည့် သီတင်းပတ်က Gay အခွင့်အရေး လှုပ်ရှားမှုများအတွက် အလုပ်များနေခဲ့သည်။ ခရစ်ကာ့ခ်ပက်ထရစ်မှာ ထိုပွဲအတွက် ဖိတ်ကြားခံထားရဖွယ် ရှိပြီး အောက်တိုဘာ (၁၇)ရက်နေ့က အီတလီမသွားမီ ရိုက်ထားသောပုံဟု စာတန်းထိုးထားသည့် ဓာတ်ပုံတစ်ပုံကို Twitter တွင် လွှင့်တင်ထားသေးသည်။ သို့သော် မင်္ဂလာပွဲကို တက်ရောက်ခဲ့ခြင်း ရှိမရှိကိုမူ ကာ့ခ်ပက်ထရစ်က နှုတ်မဟခဲ့ချေ။ ဂျေစီချာဆက်ဇ်ကလည်း မိမိအနေဖြင့် မင်္ဂလာပွဲ တက်ခဲ့ခြင်း ရှိမရှိ လုံးဝ မပြောဆိုသေးဘဲ နှုတ်ဆိတ်နေခဲ့ကြောင်း သတင်းများက ဖော်ပြသွားသည်။

အပြည့်အစုံသို့ »

Posted in: ပြည်ပအနုပညာသတင်း

ဘုရင်ဟောင်းသီဟာနုရုပ်ကလာပ် ကမ္ဘောဒီးယားပြန်ရောက်

ကွယ်လွန်သူ ကမ္ဘောဒီးယား ဘုရင်ဟောင်း နိုရိုဒွန် သီဟာနုရဲ့ ကြွင်းကျန်ရစ်တဲ့ ရုပ်အလောင်းကို ဒီကနေ့ ကမ္ဘောဒီးယားနိုင်ငံဆီ ပြန်လည် သယ်ဆောင်လာတာမှာ လူ ထောင်ပေါင်းများစွာက ဂါရ၀ပြု ကြိုဆိုခဲ့ ကြပါတယ်။ ဘုရင်သီဟာနုရဲ့ ရုပ်အလောင်းဟာ တရုတ်နိုင်ငံ၊ ဘေဂျင်းမြို့တော်ကနေ ကမ္ဘောဒီးယားနိုင်ငံရဲ့ ဖနွမ်းပင်မြို့တော်ဆီ လေယာဉ်နဲ့ ရောက်သွားခဲ့တာပါ။ ဘေဂျင်းမြို့တော်မှာ ကင်ဆာရောဂါကို ကာလရှည်ကြာ ကုသနေရင်း အသက် ၈၉ နှစ်အရွယ်မှာ တနင်္လာနေ့က နှလုံးရောဂါနဲ့ ကွယ်လွန်သွား တာ ဖြစ်ပါတယ်။ ၀မ်းနည်းကြေကွဲနေကြတဲ့ လူထောင်ပေါင်းများစွာတို့ဟာ ဘုရင်ဟောင်းရဲ့ နောက်ဆုံး အိမ်အပြန်ခရီးကို ကြိုဆိုဖို့နဲ့ သူ့ရဲ့ရုပ်အလောင်းကို ကြည့်ခွင့်ရဖို့ ဘုရင့်နန်းတော်မှာ စုဝေး စောင့်ဆိုင်းခဲ့ကြပါတယ်။ ကွယ်လွန်သူ ဘုရင်ဟောင်းရဲ့ ရုပ်အလောင်းကို ဘုရင့်နန်းတော်မှာ သုံးလကြာ ထားရှိပြီးတဲ့နောက် ဗုဒ္ဓဘာသာဝင်တွေရဲ့ ဓလေ့ထုံးတမ်းအတိုင်း အသုဘအခမ်းအနားကျင်းပပြီး မီးသဂြုင်္ိဟ်မှာဖြစ်ပါတယ်။

အပြည့်အစုံသို့ »

Posted in: ပြည်ပနိုင်ငံရေးသတင်း

အမျိုးသမီးများ စားသင့်သောအစားအစာများ

အနက်ရောင် ဘယ်ရီသီး

အင်ဒီအောက်ဆီးဒင့်တွေ ကြွယ်ဝစွာ ပါဝင်ပြီး Phenolic Acids ဓာတ်တွေပါဝင်ပါတယ်။ အရသာရှိတဲ့ ဖျော်ရည်အဖြစ် သောက်သုံးနိုင်ပြီး ကင်ဆာနဲ့ နှလုံးရောဂါတွေကို တိုက်ထုတ်ပေးနိုင်ပါတယ်။ အမျှင်ဓာတ်တွေ ကြွယ်ဝစွာ ပါဝင်တာကြောင့် အစာခြေစနစ်ကို ကောင်းမွန်စေနိုင်ပါတယ်။ ကယ်လိုရီလည်း လောင်ကျွမ်းစေနိုင်ပါတယ်။

ကန်စွန်းရွက်

ရင်သားကင်ဆာကို တိုက်ထုတ်နိုင်တဲ့ အရွက်တစ်မျိုးဖြစ်တယ်လို့ British အာဟာရဆိုင်ရာ ပညာရှင်တွေကဆိုပါတယ်။ ကန်စွန်းရွက်မှာ ဗီတာမင်စီ၊ ဘီဝမ်း၊ ဘီစစ်၊ ဗီတာမင်ကေနဲ့ အီး၊ သံဓာတ်၊ ကယ်လ်စီယမ်၊ မဂ္ဂနီဆီယမ်၊ ဇင့်ဓာတ်နဲ့ ပိုတက်စီယမ်တွေပါဝင်ပြီး ပန်းသီး အစိမ်းရောင်၊ ပန်းဂေါ်ဖီစိမ်းနဲ့ ခရမ်းချဉ်သီးတွေလည်း စားသုံးပေးနိုင်ပါတယ်။

မုန်လာဥနီ

အင်ဒီအောက်ဆီးဒင့်တွေ ကြွယ်ဝပြီး အာဟာရပြည့်ဝတဲ့ အရောင်ရင့် အစားအစာတစ်မျိုးဖြစ်ကာ မျက်စိကျန်းမာရေးကို ကောင်းစေပြီး နှလုံးကို ကျန်းမာစေပါတယ်။ သက်ကြီးအတိတ်မေ့ရောဂါနဲ့ မှတ်ဉာဏ်ပျက်စီးမှုကိုလည်း ကာကွယ်ပေးနိုင်ပါတယ်။

အနီရောင် ဂရိတ်ဖရုသီး

ကင်ဆာနဲ့ နှလုံးရောဂါကို ကာကွယ်နိုင်ပြီး ကယ်လိုရီကို လောင်ကျွမ်းစေကာ ဓာတ်တိုးဆန့်ကျင်ပစ္စည်းတွေ ကြွယ်ဝစွာပါဝင်ပါတယ်။ အရေပြားကို ကျန်းမာလှပစေတဲ့ ဂရိတ်ဖရုသီးအနီရောင်က ဖျော်ရည်အဖြစ် နေ့စဉ်သောက်ပေးသင့်ပါတယ်။

ဗာဒံစေ့

ပရိုတင်းဓာတ်၊ ကျန်းမာရေးအတွက် ကောင်းမွန်တဲ့အဆီ၊ ဗီတာမင်အီး၊ အမျှင်ဓာတ်နဲ့ တခြားဗီတာမင်နဲ့ သတ္တုဓာတ်တွေပါဝင်ပါတယ်။ ခန္ဓာကိုယ် အလေးချိန်ကျစေဖို့ ကူညီပေးပြီး ကြွက်သားတည်ဆောက်မှုကို ကောင်းမွန်စေကာ ကင်ဆာရောဂါနဲ့ ဆီးချို သွေးချိုကို သက်သာစေနိုင်ပါတယ်။

ဒိန်ချဉ်

ပရိုတင်း၊ ကယ်လ်စီယမ်၊ ပိုတကဆီယမ်၊ ဗီတာမင် B12 နဲ့ အကျိုးပြု ဘက်တီးရီးယားတွေ ကြွယ်ဝစွာ ပါဝင်ပါတယ်။ ဝမ်းဗိုက်ချပ်ရပ်စေကာ ခန္ဓာကိုယ် သွယ်လျစေပါတယ်။ အဆီထုတ်ပြီးသားနဲ့ အချိုလျှော့ထားတဲ့ဒိန်ချဉ်ကို လတ်ဆတ်တဲ့ အသီးတွေနဲ့ရောပြီး တစ်နေ့ကို တစ်ခွက်လောက် သောက်ပေးပါ။

ဆယ်လ်မွန်ငါး

နှလုံးရောဂါနဲ့ သက်ကြီး အတိတ်မေ့ရောဂါ၊ ကင်ဆာ၊ အရိုးအဆစ်နာကျင်မှုနဲ့ စိတ်ကျရောဂါတွေကို ကုစားနိုင်တဲ့ သဘာဝဖက်တီး အက်စစ်တွေ ပါဝင်ပါတယ်။ အမေရိကန် နှလုံးရောဂါဌာနရဲ့ လေ့လာမှုတွေအရ တစ်ပတ်ကို ငါးတစ်ကြိမ် ပါဝင်အောင်စားတဲ့ အမျိုးသမီးတွေမှာ နှလုံးရောဂါဖြစ်နှုန်းကို လျော့ကျစေတယ်လို့ ဆိုပါတယ်။

ပဲနီလေး

အမျှင်ဓာတ်တွေ ကြွယ်ဝစွာပါဝင်ပြီး အသားဓာတ်နဲ့ တခြားသံဓာတ်တွေ၊ ဗီတာမင်ဓာတ်တွေ ပါဝင်ပါတယ်။ သွေးသကြားဓာတ်ကို တိုးတက်စေပြီး ခန္ဓာကိုယ်အလေးချိန်ကိုလည်း ထိန်းချုပ်နိုင်ပါတယ်။

သံလွင်ဆီ

ဗီတာမင်အီး ကြွယ်ဝပြီး နှလုံးကျန်းမာစေတဲ့ အဆီအဖြစ် လူသိများပါတယ်။ သံလွင်ဆီဟာ လေ့လာမှုတွေအရ အမျိုးအစား ၂ ဆီးချိုရောဂါကို တိုက်ထုတ်နိုင်ခြင်း၊ ရင်သားကင်ဆာကို လျော့ပါးစေခြင်း၊ သွေးတိုးတာကို သက်သာစေခြင်း၊ ဦးနှောက်ကျန်းမာစေခြင်း၊ အဆုတ်ရဲ့ လုပ်ဆောင်ချက်ကို ကောင်းမွန်စေခြင်း၊ ရောင်ရမ်းမှုကို လျော့ကျစေခြင်း၊ ခန္ဓာကိုယ်အလေးချိန် ကျစေခြင်းနဲ့ ဝမ်းဗိုက် ချပ်ရပ်စေခြင်းစတဲ့ အကျိုးတွေရှိပါတယ်။

အပြည့်အစုံသို့ »

Posted in: ကျန်းမာရေးဆောင်းပါး

အဆုံးစီရင်သွားသည့် မိန်းကလေးအား အနိုင်ကျင့်မှုပြုခဲ့သူကို Anonymous ဖော်ထုတ်

(၁၅)နှစ်အရွယ် မိန်းကလေး အမန်ဒါတော့ဒ်ကို အဓိက နှိပ်စက် အနိုင်ကျင့်ခဲ့သူ၏ အချက်အလက် အချို့ကို Anonymous Hackers အဖွဲ့က ဖော်ထုတ် ပြောကြားလိုက်သည်။ အမန်ဒါသည် သူမတစ်ချိန်က စိတ်ရူးပေါက်ကာ ပြသခဲ့ဖူးသည့် အပေါ်ပိုင်း ဗလာကျင်း ဓာတ်ပုံများ ဖြန့်ဝေခြင်း ခံရသည့်နောက် အောက်တိုဘာ (၁၀) ရက်နေ့က သတ်သေသွားခဲ့သည်။ သူမသည် Online ပေါ်မှ အနှိမ်ခံ၊ အနိုင်ကျင့်ခံရသည့် ဖြစ်စဉ်များကြောင့် ဘဝတွင် ဆက်လက်ရှင်သန်ချင်စိတ် မရှိလောက်အောင် ဆိုးရွားခဲ့ခြင်းကို သတ်မသေမီ ဗီဒီယိုတစ်ခုဖြင့် စာတန်းများ ကိုင်ဆောင်ကာ ရင်ဖွင့်ခဲ့သေးသည်။ အဆိုပါ ဗီဒီယိုကို YouTube တွင် လွှင့်တင်ထားခဲ့သည်ကို တွေ့ရသည်။ ယခုအခါ Anonymous Hackers အဖွဲ့က သနားစရာ မိန်းကလေးကို စိတ်ပိုင်းဆိုင်ရာ ဆိုးရွားစွာ အနိုင်ကျင့်ခဲ့သည့် ပုဂ္ဂိုလ်နှင့် ပတ်သက်ပြီး မိမိတို့ အချက်အလက်အလျို့ ခြေရာခံထားနိုင်ကြောင်း ထုတ်ဖော် ကြေညာခဲ့သည်။ မိန်းကလေး၏ မိသားစုနှင့် ကျောင်းနေဖက် သူငယ်ချင်းများထံသို့ အမန်ဒါ၏ ဓာတ်ပုံများ ပေးပို့သူသည် အသက်(၃၂)နှစ် အရွယ်ရှိ အမျိုးသား တစ်ဦးဖြစ်ပြီး ဗြိတိသျှ ကိုလံဘီယာတွင် နေထိုင်ကြောင်း ဖော်ပြခဲ့သည်။ ထိုသူကြောင့် အမန်ဒါမှာ မိမိကိုယ်ကိုယ် ဆွဲကြိုးချ အဆုံးစီရင်သွားခြင်းဟု Anonymous Hackers အဖွဲ့က အခိုင်အမာ စွပ်စွဲထားသည်။ ကနေဒါနိုင်ငံ၊ ဗန်ကူးဗားတွင် နေထိုင်သော ကျောင်းသူလေး သေဆုံးမှုအတွက် Anonymous Hackers အဖွဲ့မှ ဖော်ထုတ်လာမှုကို မိမိတို့ အလေးအနက် စဉ်းစားမည်ဟု ရဲတပ်ဖွဲ့က ပြောကြားထားသည်။ Daily Mail သတင်းဌာနက ဥပဒေကြောင်းဆိုင်ရာ ငြိစွန်းနိုင်သည့် အချက်အလက်များကြောင့် Anonymous Hackers အဖွဲ့က တိုက်ရိုက် စွပ်စွဲသူ၏ အမည်နှင့် ကိုယ်ရေး အချက်အလက်များကို ဖော်ပြမသွားချေ။ Anonymous Hackers အဖွဲ့က YouTube တွင် ဗီဒီယိုတစ်ခု လွှင့်တင်ပြီး မိမိတို့ ခြေရာခံ သိရှိထားသူ၏ အချက်အလက်များ၊ မွေးနေ့နှင့် နေရပ်လိပ်စာတို့ကို ပြောကြားသွားသည်။“အဲကောင်က ကျွန်တော်တို့ လူ့အဖွဲ့အစည်းမှာ တကယ့် စက်ဆုပ်စရာ ကောင်စားမျိုးပဲ။ သူ့ကို ပြစ်ဒဏ်ပေးရမယ်”ဟု အဆိုပါ ဗီဒီယိုတွင် မျက်နှာဖုံးစွပ် Hacker တစ်ဦးက ပြောကြားသွားသည်။ Anonymous Hackers အဖွဲ့၏ ကြေညာချက် ထွက်ပေါ်လာပြီးနောက် မကြာမီမှာပင် YouTube က အဆိုပါ ဗီဒီယိုကို ဖယ်ရှားပစ်ခဲ့သည်။ Anonymous Hackers တို့က ၎င်းတို့သည် ထိုသူကို သေစေလိုကြောင်း အတိအလင်း ပြောဆိုထားသလို ယင်းပုဂ္ဂိုလ်သည် မိမိ ကျူးလွန်ခဲ့သည့် ကိစ္စကြောင့် ညဘက်တွင် အိပ်ကောင်းခြင်းပင် မအိပ်ရဲဘဲ မျက်စိတစ်ဖက် ဖွင့်ထားရမည်ဟု ခြိမ်းခြောက်ခဲ့သည်။ CKNW သတင်းဌာနက အဆိုပါ ပုဂ္ဂိုလ်ကို ဆက်သွယ်ရန် ကြိုးစားမှု မအောင်မြင်ကြောင်းနှင့် ဘေးပတ်ဝန်းကျင်မှ အိမ်နီးချင်းများကို မေးမြန်းခဲ့ရာတွင် ထိုသူသည် ပါတီပွဲ နှစ်သက်လေ့ရှိပြီး ၎င်း၏ အိမ်တွင် ငယ်ရွယ်သော မိန်းကလေးများ ဝင်ထွက် သွားလာနေတတ်ကြောင်း ပြောကြားခဲ့သည်။ တနင်္လာနေ့က ဗြိတိသျှ ကိုလံဘီယာ ရဲတပ်ဖွဲ့သည် အဆိုပါ နေအိမ်သို့ သွားရောက်ခဲ့သည်ဟု ယူရသည်။ ရဲတပ်ဖွဲ့က Anonymous Hakers တို့၏ စွပ်စွဲချက်သည် အတိအကျ မှန်ကန်ကြောင်း မှတ်ချက်ပေးရန် ငြင်းဆိုခဲ့သော်လည်း ယင်းအချက်ကို အလေးထား စုံစမ်းသွားမည်ဟု ပြောဆိုထားသည်။

အပြည့်အစုံသို့ »

Posted in: ပြည်ပထူးခြားသတင်း

ဆီးချို သွေးချိုနှင့်ပတ်သက်သော အယူအဆအမှားများ

ဆီးချို သွေးချို ဖြစ်တယ် ဆိုရင် တင်းကျပ် လှသော စည်းမျဉ်း စည်းကမ်း တွေလိုက်နာ ရတော့မှာ။ အဲဒီလို လိုက်နာရမည့် စည်းကမ်း တွေလည်း အများကြီး ရှိတယ်ဆိုပြီး ပြောကြတာ လည်း မှန်ကန် တယ်လို့ မဆိုနိုင် ပါဘူး။ ကိုယ့်မှာ ဆီးချို သွေးချို ရှိပြီ ဆိုရင် တော့ မိမိ စားသောက် ရမည့် အစား အစာ များကို စီမံချက် ချဖို့တော့ လိုပါသည်။ ဒါပေမယ့် အခြေခံ စည်းကမ်း ကတော့ ရိုးရိုးလေး ပါပဲ။ ဒီနေရာမှာ ဆီးချို အစားအစာ (Diabetics Diet) ဆိုတဲ့ ဝေါဟာရ အသုံးအနှုန်းနဲ့ ပတ်သက် လို့လည်း ရှင်းပြ ချင်ပါ သည်။ တကယ် တော့ ဆီးချို သွေးချို သမား များစား ရမယ့် အစား အစာ စာရင်း ရယ်လို့ သီးသန့် သတ် မှတ်ထားတာ မျိုး မရှိပါဘူး။ ဆိုလိုရင်းက ဆီးချို သွေးချို သမားများ စားတဲ့ အစား အစာဟာ အဲဒီလူရဲ့ နေ့စဉ် လှုပ်ရှားမှု များနဲ့ လိုက်လျော ညီထွေဖြစ် အောင် ရွေးချယ် စားသောက်ခြင်း သာဖြစ်ပြီး သွေးတွင်း သကြားဓာတ် ပမာဏ (Blood Sugar) ကိုလည်း အတတ် နိုင်ဆုံး ပုံမှန်ရှိရမည့် ပမာဏနှင့် အနီး စပ်ဆုံး တူညီစေရန် သောက်နေ ရသော ဆီးချိုသွေးချိုထိန်းဆေး များနှင့်အတူ လိုက်လျော ညီထွေရှိရန် ဖြစ်ပါသည်။ ဆီးချို သွေးချို လူနာတစ်ဦး အနေဖြင့် မိမိယခု စားသုံး နေသော အစားအစာ များကို ပြောင်းလဲရန် လိုအပ်ပါ သလားဟု မေးခဲ့လျှင် လိုအပ်နိုင် ပါသည်။ သို့သော် လူအများ ထင်ထား ကြသလို အများကြီး ပြောင်း လဲရန် လည်း မလိုပါ။ ဥပမာ သကြား အချိုလွန်ကဲ စွာ ပါဝင်သော စားစရာများကို ရှောင်ကြဉ်ပြီး အသင့်အတင့် ချိုသော စားစရာ များကို အသင့်အတင့် စားနိုင် ပါသည်။ စားစရာ တစ်ခုကို လုံးဝ မစားရတော့ ဟူ၍ မရှိပါ။ ကစီဓာတ် ပါဝင်သော စားစရာ များသည် ဆီးချို သွေးချို လူနာများ အတွက် အန္တရာယ် ဖြစ်စေသည် ဟူ၍ တစ်ထစ်ချ မှတ်ယူ ထားခြင်းသည် လည်း မမှန်ပါ။ ကစီဓာတ် များက ကျန်းမာ ရေးနှင့် ညီညွတ် သော ဆီးချို သွေးချို အစားအစာ အတွက် အခြေခံ အဖြစ် ပါဝင်နေသော စားစရာများ ဖြစ်ပါသည်။ ကစီ ဓာတ်များက သွေးတွင်း သကြားဓာတ် ပမာဏအပေါ် ကြီးမား သော အကျိုး သက်ရောက်မှုရှိသည့် အတွက် ကစီဓာတ်ကို ဘယ်လောက် များများ စားရမလဲ ဆိုသည့် အချက် ကသာ အရေးကြီး ပါသည်။ ကစီဓာတ်ပါသော စားစရာ များ၊ ဥပမာ ဆန်၊ ဂျုံစသည်တို့ထဲ တွင် များစွာသော မရှိမဖြစ် အာဟာ ရဓာတ်များဖြစ်သည့် ဗီတာမင်များ၊ သတ္တုဓာတ်များ၊ အမျှင် ဓာတ်များပါဝင် နေပါသည်။ ထို့ကြောင့်မည်သည့် ကစီ ဓာတ်ပါသော စားစရာရွေးချယ် သင့်သလဲဆိုရင် အာဟာရဓာတ် အများဆုံး ပါသော ကစီဓာတ် ဖြစ်သည့် ဂျုံကြမ်းဖြင့် ပြုလုပ် ထားသော ပေါင်မုန့် Whole Grain Breads ၊ အမျှင်ဓာတ် များများပါသည့် သစ်သီး ဝလံများနှင့် ဟင်းသီး ဟင်းရွက်များ ဖြစ်ပါသည်။ သူတို့နိုင်ငံတွေ မှာတော့ အာဟာရ ကျွမ်းကျင်သူ Dietitan နှင့် ဆွေးနွေး နိုင်ပါသည်။ ယေဘုယျအား ဖြင့် မချိုလွန်းသော သစ်သီးများ၊ ဘူးသီး၊ ခရမ်းသီး၊ ပဲရွက်၊ ကန်စွန်း ရွက်၊ ဘူးရွက် စသည့် ဟင်းသီးဟင်းရွက် များ ဖြစ်ပါသည်။ နောက် အမှား တစ်ခုမှာ ဆီးချို သွေးချိုသမား တစ်ယောက်အနေဖြင့် မိမိ စားမိသော အစားအစာများကို လိုက်၍ ဆီးချိုသွေးချို ထိန်းဆေးများ၏ ပမာဏကို ညှိ၍ Adjust အပြောင်း အလဲ လုပ်နိုင်သည် ဆိုသော အချက် မှာလည်း မှားယွင်းသော အယူအဆ တစ်ခုဖြစ်ပါသည်။ အကယ်၍ အင်ဆူလင် သုံးစွဲနေ ရသူဖြစ်ပါက မိမိစားလိုသည့် အစား အစာ အမျိုးအစားနှင့် ပမာဏကို မိမိထိုးမည့် အင်ဆူလင် အမျိုးအစား နှင့် ပမာဏတို့ ကိုက်ညီမှုရှိရန် လေ့ လာ သင်ယူနိုင် ပါသည်။ သို့သော် ထိုကဲ့သို့ ဆိုလိုက်ခြင်း အားဖြင့် မိမိ စားချင် သလောက် စားနိုင်သည်ဟု ဆိုလိုခြင်း မဟုတ်ပါ။ ထို့ပြင် သွေးတွင်း သကြားဓာတ် ပမာဏတည်ငြိမ်ရန် ဆီးချိုသွေးချို ထိန်းဆေးတွေပိုပြီး သောက်လိုက်မယ် ဟူ၍လည်း မှတ် ယူရန် မဟုတ်ပါ။ ဆရာဝန်၏ ညွှန်ကြားချက် မရှိဘဲ ဆီးချို သွေးချို ထိန်းဆေး များ၏ ပမာဏကို မိမိစားသော ကစီဓာတ် ပမာဏနှင့် မိမိဘာသာ ညှိယူရန် မကြိုးစားပါနှင့်။ အများစုသော ဆီးချို သွေးချို ထိန်းဆေး များသည် မိမိအား ကုသ နေသော ဆရာဝန်၏ ညွှန်ကြား ချက်အောက် တွင် အမြဲတမ်း ရှိနေမှသာ အကောင်းဆုံး သော အကျိုး အာနိသင် ရရှိနိုင်မှာ ဖြစ်ပါသည်။ ဆီးချို သွေးချို ဖြစ်လျှင် မိမိကြိုက် နှစ်သက် သော အစားအစာ များကို တစ်သက်လုံး စွန့်လွှတ် လိုက်ရန် လိုအပ်သည် ဟူသော အချက်မှာ လည်း အယူအဆ အမှား တစ်ခုဖြစ်ပါ သည်။ ဆီးချို သွေးချိုရောဂါ ဖြစ်တယ် ဆိုတာနဲ့ မိမိကြိုက် နှစ်သက် သော စားစရာ များကို တစ်သက်လုံး စွန့် ပစ်ရန် အ ကြောင်းပြချက် မရှိပါ။  မိမိ ကြိုက်နှစ်သက် သည့် အစား အစာများအား ပြင်ဆင်ပုံနည်း လမ်း ပြောင်း လဲရန် လိုအပ်နိုင်ပါသည်။ သင်ကြိုက် နှစ်သက် သည့် အစားအစာ နှင့်အတူ သင်စားလေ့ရှိ သော စားစရာများ ကို ပြောင်းလဲရန် လိုအပ်ပါသည်။ သင်ကြိုက် နှစ်သက်သော စားစရာများ ၏ တစ်ခါစား ပမာဏကို လျှော့ချရန် လိုအပ်ပါသည်။ ယခင် တုန်းကလို ကိုယ်ကြိုက်တဲ့ စားစရာ     ဆိုလျှင် တဝကြီး စားပစ် လိုက်မယ်၊ အပြတ် တီးလိုက်မယ် ဟူသော စိတ် ထားမျိုးမထားရပါ။ သင်၏ စားသောက်မှု ပုံစံကို လိုက်နာရန် အတွက် မိမိအကြိုက်ဆုံး စားစရာ များကို ဆုလာဘ် အဖြစ် ထည့်သွင်း အသုံးချပါ။ ဆိုလိုတာ ကတော့ ဥပမာ ချောကလက် ကြိုက် တယ်ဆိုရင် ကိုယ်စားမယ့် တစ်နေ့ တာ အစားအစာ စာရင်းထဲမှာ သင့် လျော်တဲ့ ပမာဏရှိတဲ့ ချောကလက် ကို ထည့်သွင်း ရေးဆွဲထားခြင်း အားဖြင့် မိမိ ကိုယ် ကိုမိမိ ဆုချ လိုက်ခြင်း ဖြစ်ပါ သည်။

အပြည့်အစုံသို့ »

Posted in: ကျန်းမာရေးဆောင်းပါး